Shomanayda jáne bir shańaraq saqlap qalındı.

Mámleketimiz tárepinen alıp barılıp atırǵan ózgerisler insan huqıqı jolında bolǵanlıǵı ushın, aliment óndiriwi menen tiyisli bolǵan orınlaw isleri, táreplerdi ilájı barınsha jarastırıw sharaların kórmekte. Sonday eken, Byuronıń Shomanay rayonlıq bólimi tárepinen tiyisli mákeme basshıları menen birgelikte kóplep shańaraqlar jarastırılmaqta. Atap aytatuǵın bolsaq Qońırat rayonlararalıq puqaralıq sudınıń 2021-jıldaǵı orınlaw xatına tiykar qarızdar M.Mdan óndiriwshi O.Nnıń paydasına 1 perzentiniń támiynatı ushın aliment óndiriw haqqındaǵı orınlaw isi bólimge kelip túsken. Málim bolıwınsha qarızdar sol kúnnen baslap aliment pulların óz waqtında tólep kelgen. Sáwbetler dawamında usılar anıqlandı, yaǵnıy kúyewi hám hayalı ortasında ajırasatuǵınday sebep bolmaǵan. Sol sebepli qarızdar M.M hám O.Nlar jarastırılıp, házirgi kúnde olar bir shańaraq bolıp jasap kelmekte.

Byuronıń Shomanay rayonı bólimi
xızmetkeri P.B.Serimbetov