«Bir nuranıy-on jasqa ustaz» atamasında Shomanay rayonı Máhálle hám kekselerdi qollap-quwatlaw bólimi tárepinen Ózbekstan Respublikası Prezidenti basshılıǵında 2021-jıl 19-yanvar kúni ótkerilgen Respublika Ruwxıylıq hám aǵartıwshılıq Keńesiniń videoselektor májilisinde «Hár bir nuranıy-bes jasqa ustaz» principi tiykarında aymaqlardaǵı tárbiyası awır, mánawiy kómekke mútáj, jumıssız jaslardı úlgili ómir hám miynet jolına iye nuranıylarǵa biriktiriw wazıypası belgilengen edi.

Sonday-aq, qabıl etilgen qarar tiykarında “Máhállelerde jaslar menen islesiw sistemasın túpten jetilistiriw is-ilajları haqqında”ǵı PQ-92-sanlı Qararda «Bir nuranıy-on jasqa ustaz» principi tiykarındaǵı jumıslardı qayta jolǵa qoyıw wazıypası belgilendi.

Usı jumıslardıń orınlanıwın támiyinlew maqsetinde ótkerilgen Rayonlıq Ruwxıylıq hám aǵartıwshılıq Keńesi tapsırması tiykarında Máhálle hám Nuranıylardı qollap-quwatlaw bólimi, Jaslar isleri agentligi rayonlıq bólimi, Respublika Ruwxıylıq hám aǵartıwshılıq Orayı rayonlıq bólimi hám rayon Máhálle fondı bólimi hám puqaralar jıyını aqsaqalları menen birgelikte aymaqlardaǵı belsendi nuranıylar jaslarǵa mánáwiy ustaz sıpatında biriktirilgen edi, usı múnásibet penen rayonda aymaǵındaǵı jaslarǵa ustaz sıpatında biriktirilgen nuranıylar menen rayon belsendileri ushırasıw ótkerip, jámiyetimizde el-jurt táǵdirine biypárwalıqlardıń aldın alıw, jaslar tárbiyasında jası úlkenlerdiń juwapkershiligin asırıw máseleleri boyınsha seminar-sáwbetlesiw ótkerildi hám bul jumıslardı nátiyjeli jolǵa qoyǵan nuranıylar xoshametlendi.
Ilajge hám Qaraqalpaqstan Respublikası Máhálle hám nuranıylardı qollap-quwatlaw ministri orınbasarı T.Abdijabbarov, Shomanay rayonı hákimi B.Yangibaev hám Máhálle hám kekselerdi qollap-quwatlaw rayonlıq bólimi baslıǵı B.Jumataevlar qatnastı.

Shomanay rayonı hákimligi málimleme xızmeti.