Ózbekstan Respublikası Prezidentiniń 2021-jıl 19-maydaǵı «Zorlıq isletiwden jábir kórgen hayal-qızlardı reabilitaciya qılıwǵa tiyisli qosımsha is-ilajlar haqqında»ǵı qararı hám Ózbekstan Respublikası Ministrler Kabinetiniń 2021-jıl 6-oktyabrdegi «Zorlıq isletiwden jábir kórgen hayal-qızlardı reabilitaciya qılıw hám maslastırıw hám de óz janına qast etiwdiń aldın alıw barısındaǵı jumıslardı jedellestiriwge tiyisli is-ilajlar haqqında»ǵı 625-sanlı qararlarında belgilengen wazıypalar orınlanıwın támiyinlew hám «Hayallar dápteri»ne kiritilgen hám «Himoya orderi», ajırım jaǵasındaǵı hayal-qızlar, basım hám zorlıqtan jábir kórgen hám shańaraǵında mashqalası bar hayal-qızlar arasında social, huqıqıy, medicinalıq hám psixologik járdemler hám másláhátler beriw maqsetinde búgin Shomanay rayonı Medicina birlespesi májlisler zalında ushrasıw bolıp ótti.

Ushrasıwda Qaraqalpaqstan Respublikası Ishki isler ministrligi huqıqbuzarlıq profilaktikası basqarması hayal-qızlar bólimi baslıǵı T.Karlıbaeva, Qaraqalpaqstan Respublikası Hayallardı reabilitaciya qılıw hám beyimlestiriw orayı direktorı S.Nasırova, oray psixologi R.Amanova, «Madad» mámleketlik emes hám komercialıq emes shólkemi Nókis qalası huqıqıy másláhát byurosı bas qanigesi A.Aldamuratova hám Shomanay rayonı Shańaraq hám hayal-qızlar bólimi baslıǵı G.Temirxanovalar qatnastı.
Sonday-aq, ushrasıwda rayondaǵı hár-bir máhálledegi hayal-qızlar belsendileride qatnastı. Ushrasıw qızıqlı, mazmunlı túrde soraw-juwaplarǵa bay túrde ótkerildi hám hár-bir qatnasıwshı ózleriniń qızıqtırǵan, sheshimin taba almay júrgen sorawlarına juwaplar aldı. Hayal-qızlarımızdıń huqıq hám erkinliklerin, óz-ózin ańlawǵa kómeklesiwshi usınday ushrasıwlar tez-tezden ótkeriledi degen úmittemiz.

Shomanay rayonı hákimligi málimleme xızmeti.