Shomanay rayonında 2022-jıl zúrááti ushın pille ónimin jetistiriwde 55 fermer xojalıqları tárepinen 56 qutıǵa «Jayhun silk» kárxanası menen shártnamalar dúzilgen bolıp, rayon aymaǵındaǵı kóp jıllardan berli pille ónimin jetistiriw menen shuǵıllanıwshı tájiriybeli pillekeshlerge tapsırılıp, óz waqtında tárbiyalawı hám tut plantaciyalarınıń jeterli ekenligi nátiyjesinde búgin 3073 kg pille ónimin tapsırıp, 102,4 payızǵa Qaraqalpaqstan Respublikası kóleminde birinshilerden bolıp rejeni orınladı.

Sonday-aq, usı jıldıń 23-may sánesiinde Xojeli rayonı pille qabıllaw kárxanasında “Ózbekipaksanoat” komitetiniń orınbasarı X.Achilov, Qaraqalpaqstan Respublikası Ministrler Keńesi baslıǵınıń orınbasarı D.Qaypov hám JShJ “Qaraqalpaq Agro pille” baslıǵı D.Xujakovlar qatnasıwında Begjap APJ aymaǵındaǵı “Aqıl-Sardar” tutshılıq fermer xojalıǵınıń pillekeshi Berdimuratova Gúlistan tárepinen 1 qutıdan 53,6kg pille jetistiriw rejesin 90kg etip artıǵı menen Respublikada birinshilerden bolıp orınlaǵanı ushın óz minnetdarshılıǵın bildirip, qımbat bahalı sawǵalar hám 36kg pilleni artıq tapsırǵanı ushın 1mln sum muǵdarında pul sıylıǵı menen sıylıqladı.

Rayon pillekeshlerin mámleketlik rejeni Respublikada birinshiler qatarında orınlaǵanı ushın shın kewlimizden qutlıqlaymız.

Shomanay rayonı hákimligi málimleme xızmeti

@shomanay_rayon