Qaraqalpaqstan Respublikası Ádillik Ministrliginiń «Rayonlardaǵı alıs aymaqlarda Ádillik bólimleri tárepinen kóshpeli qabıllawlar ótkeriw haqqında»ǵı tapsırmasınıń orınlanıwın támiyinlew hám Ózbekstan Respublikası Prezidentiniń 2022-jıl 20-aprel kúngi «Mámleketlik xızmetlerdi kórsetiwdi ápiwaylastırıw, byurokratiyalıq tosıqlardı qısqartıw hám de mámleketlik xızmetler kórsetiw milliy sistemasın rawajlandırıwdıń qosımsha is-ilájları haqqında»ǵı PP-113-sanlı Pármanına muwapıq «Mámleketlik xızmetler kórsetiwde puqara itibar orayında» principi tiykarında alıs aymaqlarǵa shıqqan halda mámleketlik xızmetlerin kórsetiw boyınsha 2022-jıl 20-may kúni Qaraqalpaqstan Respublikası Ádillik Ministri orınbasarı E.Tursunov, rayonlıq Ádillik bólimi xızmetkerleri, aymaqtaǵı taraw xızmetkerleri qatnasında puqaralardıń alısın jaqın, awırın jeńil qılıw maqsetinde rayon orayınan 27 km alıslıqta jaylasqan «Diyxanabad» awıl puqaralar jıyını aymaǵında jasawshı puqaralarǵa kóshpeli qabıllaw shólkemlestirildi.

Kóshpeli qabıllaw barısında múrájatlardıń bir qatarı sol jerdiń ózinde sheshilip, úyreniw talap etiletuǵın múrájatlar dizimge alınıp, belgilengen tártipte úyrenip shıgıw ushın qabıl etildi.
Sonıń menen birge mámleketlik xızmetler oray tárepinen 20 aslam mámleketlik xızmetler kóshpeli tártipte kórsetilip, mámleketlik xızmetlerden onlayn paydalanıw boyınsha seminar-trening shólkemlestirildi.
Sonday-aq, Ádillik ministri orınbasarı tárepinen aymaqtaǵı bir qansha jumıssız jaslarǵa inkubator, tigiw úskeneleri hám mayıplıǵı bolǵan puqaraǵa mayıplılıq arbashası berildi.

Shomanay rayonı hákimligi málimleme xızmeti.