Turmıs qurıp, keleshek ómirin bir-birine baylanıstırıp, baxıtlı ómir keshiriwge bel baylaǵan eki jas kelesheginde olardıń salamatlıǵı áhmiyetli orın tutadı. Sonlıqtanda nekeden ótip, turmıs qurmaqshı bolǵan jaslar emlewxana poliklinikasında medicinalıq kórikten ótiwge shólkemlestirilgen.

Rayonımızda usı jıl 4 ay dawamında PHAJ bólimi tárepinen neke rásmiylestirilgen 116 jas-jubaylardıń bárshesi medicinalıq kórikten ótkerildi. Sonday-aq , olarǵa den-sawlıǵın saqlaw, salamat perzentlerdi dúnyaǵa keltiriw baǵdarında tusinik beriledi. Rayonımızda bul jumıs jıl dawamında turaqlı túrde ámelge asırılıp barılmaqta. Óz salamatlıǵı haqqında oylasa shańaraǵınıń keleshegin oylaǵanı bolıp sanaladı.

Bul másele tek ǵana PHAJ bólimi xızmetkerleriniń emes, pútkil xalqımızdıń aldında turǵan áhmiyetli másele. Sonlıqtanda hár bir shańaraqta medicinalıq kórikten ótiw, salamat turmıstı qáliplestiriw haqqında túsinik berip barılsa jas-jubaylardıń keleshek turmısı bekkem hám baxıtlı boladı.

Medicinalıq kórik-salamat shańaraq girewi ekenin umıtpawımız kerek.

Shomanay rayonı PHAJ bólimi 1-dárejeli inspektorı P.Ibraimova