9-may Eslew hám qádirlew kúni.
Eslew hám qádirlew shın mánisindegi milliy ulıwmaxalıqlıq bayram bolıp esaplanadı.
Bul bayram úlken mániske iye bolıp, ol ǵárezsiz Ózbekstanda ásirler dawamında qaharmanlarsha elimizdi qorǵaǵan, onıń erkinligi, ǵárezsizligi hám xalqınıń tınıshlıǵı ushın gúresken watanlaslar esteligine baǵıshlanıw menen bir qatarda ulıwmaxalıqlıq estelik hám insandı qádirlew kúni bolıp tabıladı.

Usı múnásibet penen Shomanay rayonı orayında jaylasqan “Muńlı ana” esteligine gúl qoyıw máresimi ótkerildi.

Bunda rayon hákimi B.Yangibaev bayram menen qutlıqladı soń rayon hákimi, sektor baslıqları hám barlıq mákeme-kárxana hám shólkemler basshıları qatnasında urıs dáwirinde ǵárezsizlik ushın janın pidá etken mártlerdiń esteligi ushın gúl sheńberler qoyıldı.

Babalarımızdıń atları máńgi esimizde saqlanadı. Olardı keleshek áwlad ta heshqashan umıtpaydı.

Shomanay rayonı hákimligi málimleme xızmeti.