Shomanay rayonı «Aybúyir» mákan puqaralar jıyını «Ullı el» elatlı punkti turǵınlarınıń 2021-jıl noyabr ayında Shomanay rayonı hákimligine jollaǵan múrájatine muwapıq, rayon orayınan baslap 2,5 km uzınlıqta 110 diametrli suw qubırın jalǵaw hám puqaralardı ishimlik suw menen támyinlew maqsetinde tiyisli tártipte ámelge asırılatuǵın jumıslar kólemi úyrenildi. Ándijan wálayatınıń isbilermen qáwenderi qarjıları esabınan kerek suw qubırları alınıp, rayon hákimligi tárepinen suw tarmaqların tartıw jumısları shólkemlestirildi.
Bunda qurılıs jumıslarına rayonlıq abadanlastırıw hám suw támiynatı kárxanası xızmetkerleri hám de hákim járdemshileri belsendilik kórsetip, awıldaǵı 15 xojalıqlar tazalanǵan ishimlik suw menen támiyinlendi.
Shomanay rayonı hákimligi málimleme xızmeti