Shomanay rayonı Mámleketlik xızmetler orayı tárepinen rayon orayınan alıs aymaqlarda jasawshı hám orayǵa keliw imkánı bolmaǵan nagiranlıg‘ı bolǵan puqaralarǵa kóshpeli tártipte mámleketlik xızmetler kórsetiw turaqlı túrde alıp barılmaqta.

Atap aytqanda «Diyxanabad» awıl puqaralar jıyını aymaǵında PXAJ uyımı hám wákillikli uyım qánigeleri menen birgelikte kóshpeli tártipte mámleketlik xızmetler kórsetiw shólkemlestirildi.

Puqaralarǵa «máhellebay hám puqarabay» júrip 174 shańaraqta bolıp, olarǵa elektron tártipte mámleketlik xızmetlerden paydalanıw tártibi, hákimshilik reglamentlerde belgilengen tártip qaǵıydaları boyınsha sociallıq qorǵawǵa mútáj shańaraqlar, hayallar hám jaslar dápterindegi, mayıplıǵı bolg‘an shaxslarǵa keń túrde túsinik hám kónlikpeler berildi.
Ilaj dawamında puqaralarǵa 170 ten zıyat kóshpeli tártipte mámleketlik xızmetler kórsetildi.
Maǵlıwmat ornında aytıp ótiw kerek, alıs aymaqlarǵa barǵan halda 2022-jıldıń usı dáwirine shekem 632 xızmet kóshpeli tártipte kórsetildi.

@shomanay_rayon