Awıl xojalıǵında seminar

Búgin Shomanay rayonı Tashkent massivinde Ózbekstan Respublikası Prezidentiniń PQ-20-sanlı qararı boyınsha birinshi náwbette Temir, Hayallar hám Jaslar dápteri diziminde turıwshı jumıssız puqaralar 0.10 ga jer maydanınan 1 gektarǵa shekem jer maydanların E-aukcion platforması arqalı LOT usılında qatnasıp, jer maydanın utıp alǵan puqaralardıń jerden únemli paydalanıw hám egin egip xojalıǵına qosımsha dáramat kiritiwi boyınsha kórgizbeli seminar ótkerildi.
Bunda Ózbekstan Respublikası awıl xojalıǵı Ministriniń birinshi orınbasarı Sh.J.Teshaev, Qaraqalpaqstan Respublikası Ministrler Keńesi Baslıǵınıń orınbasarı D.Qaypov, Shomanay rayonı hákimi B.Yangibaev hám sektor baslıqları, awıl xojalıǵı tarawı qánigeleri menen jer orın alǵan puqaralar qatnastı.

Seminarda kórgizbeli túrde kartoshka egiw usılı hám jolları haqqında túsinikler berildi.
Shomanay rayonı hákimligi málimleme xızmeti.
@shomanay_rayon