Búgin Shomanay massivi «Mamıy agro Shomanay» klassteri dala maydanında shigit egiw boyınsha kórgizbeli seminar ótkerildi. Bunda Ózbekstan Respublikası awıl xojalıǵı Ministriniń birinshi orınbasarı Sh.Teshaev, Qaraqalpaqstan Respublikası Ministrler Keńesiniń orınbasarı D.Qaypov, Qaraqalpaqstan Respublikası awıl xojalıq Ministri Z.Ziyadullaev, Qaraqalpaqstan Respublikası tuqımgershilikti rawajlandırıw basqarması baslıǵı S.Saburov, Shomanay rayonı hákimi B.Yangibaev hám sektor baslıqları, tiyisli mákeme kárxanalar menen birgelikte fermer xojalıqları baslıqları qatnastı.

Seminar dawamında awıl xojalıǵı texnikaları kórgizbesi ótkerilip, shigit egiw boyınsha bir qansha túsinikler berip ótildi.

Shomanay rayonı hákimligi málimleme xızmeti

@shomanay_rayon