Ushırasıwda Ózbekstan Respublikası Oliy Majlisi Senatı aǵzası, senator U.Jalmenov, Xalıq deputatları Shomanay rayonlıq Keńesi baslıǵı B.Yangibaev, Sonday-aq, usı jıynalısta Xalıq deputatları rayonlıq Keńesi deputatları, siyasiy partiya wákilleri, sektor baslıqları, Ádillik bólimi, hákim orınbasarları hám de tiyisli kárxana hám shólkem basshıları, ǵalaba xabar quralları wákilleri qatnastı.

Ushırasıw barısında Ózbekstan Respublikası Oliy Majlisi Senatı aǵzası, senator U.Jalmenov Ózbekstan Respublikası Oliy Majlisi Senatınıń jigirma tórtinshi jalpı májlisinde maqullanǵan nızamlar hám kórip shıǵılǵan basqa máseleler boyınsha xalıqtıń arasında úgit-násiyat islerin ámelge asırıw boyınsha ushırasıw qatnasıwshıları menen sáwbetlesti.

Ózbekstan Respublikası Oliy Majlisi Senatınıń jigirma úshinshi jalpı májlisi 2022-jıl 17-19-mart kúnleri bolıp ótkenligi hám jalpı májiliste jámi 18 másele, sonnan, 9 nızam kórip shıǵılǵanlıǵın atap ótti.

Ózbekstan Respublikası Oliy Majlisi Senatınıń jigirma tórtinshi jalpı májilisinde maqullanǵan nızamlar

1. “Ózbekstan Respublikasınıń Miynet kodeksin tastıyıqlaw haqqında”ǵı Nızamı tuwralı;
2. “Nobank kredit shólkemleri hám mikroqarjılandırıw iskerligi haqqında”ǵı Nızamı tuwralı;
3. “Kiberqáwipsizlik haqqında”ǵı Nızam tuwralı;
4. “Organik ónimler haqqında”ǵı Nızam tuwralı;
5. “Reklama haqqında”ǵı Nızam tuwralı;
6. “Ózbekstan Respublikasınıń Puqaralıq kodeksine qıynawǵa salıwdan jábirlengenlerge jetkizilgen zıyandı qaplaw tártibin jetilistiriwge qaratılǵan qosımshalar kiritiw haqqında”ǵı Nızam tuwralı;
7. “Insan aǵzaları hám toqımalarınıń transplantaciyası haqqında”ǵı Ózbekstan Respublikası Nızamı qabıl etiliwi múnásibeti menen Ózbekstan Respublikasınıń ayrım nızam hújjetlerine ózgertiw hám qosımshalar kiritiw haqqında”ǵı Nızam tuwralı;
8. “Sud hújjetleri hám basqa organlar hújjetlerin orınlaw sistemasın jánede jetilistiriliwi múnásibeti menen Ózbekstan Respublikasınıń ayrım nızam hújjetlerine ózgertiw hám qosımshalar kiritiw haqqında”ǵı Nızam tuwralı;
9. “Korporativ basqarıw sisteması jetilistiriliwi múnásibeti menen Ózbekstan Respublikasınıń ayrım nızam hújjetlerine ózgertiw hám qosımshalar kiritiw haqqında”ǵı Nızam tuwralı;

Ózbekstan Respublikası Oliy Majlisi Senatınıń jigirma tórtinshi jalpı májilisinde maqullanǵan nızamlar boyınsha taraw wákilleri ѳzleriniń pikir usınısların bildirip ѳtti.

Shomanay rayonı hákimligi málimleme xızmeti