Qaraqalpaqstan Respublikası Joqarǵı Keńesiniń komitet baslıǵı, deputat Z.Reymova, Joqarǵı Keńes deputatı Sh.Otemisov Shomanay rayonında bolıp, rayonlıq Keńes deputatları, siyasiy partiya wákilleri menen ushırastı.
Ushırasıwda usı jıldıń 9-19-mart aralıǵında deputatlar iskerliginiń «Áhmiyetli on kúnligi»n ótkeriw hám usı on kúnlik sheńberinde belgilengen wazıypalar haqqında túsinikler berildi.

Sonday-aq, Zuxra Reymova hám Sharapat Otemisov rayonlıq Keńes deputatları menen birgelikte rayondaǵı “Qarabaylı” MPJ aymaǵındaǵı “Aq terek” awılında “Jasıl mákan” ulıwmamilliy háreketi sheńberinde miyweli terek nállerin ekti.
Soń rayondaǵı “Mádeniyat” MPJ aymaǵındaǵı “Hayallar dápteri”nde dizimde turǵan puqaralardıń shańraǵında boldı. Olarǵa azıq-awqatlıq ónimlerin tapsırdı hám múrájatlerin tıńladı.
@shomanay_rayon