Sınaw tárizinde xalıqtı dizimge alıwdı ótkeriw processlerinde tómendegi mashqalalar júzege keldi:

-sınaw tárizinde xalıqtı dizimge alıw máseleleri boyınsha ǵalaba xabar qurallarında, rasmiy veb saytlarda, social tarmaqlarda hám de máhállelerde úgit-násiyat jumısları shólkemlestirilgen bolıwına qaramastan, xalıq dizimge alıw ilajı haqqında tolıq maǵlıwmatqa iye emesligi:

-dizimge alıw sorawnamalarındaǵı ayrım sorawlarǵa (turaq jay maydanı, uzaq múddet paydalanılatuǵın qurallar barlıǵı, qansha dáramad alıwı, sport penen shuǵıllanıwı h.t.b.) juwap beriwden bastartqanı

-dizimge alıw dáwrinde 87 xojalıq dizimge alıwda qatnasıwdan bas tartqan, sonday-aq, 2922 xojalıqlarǵa dizimge alıwshı qániygeler tárepinen úsh márteden artıq barılǵan bolsada qapını xeshkim ashpaǵan. Bul xojalıqlarda jasawshı shaxslar tuwrısındaǵı maǵlıwmatlar, máhálle organlarında bar maǵlıwmalar tiykarında dizimge alındı.

-aymaqlıq hákimiyat tárepinen dizimge alıw uchastkalarına belgilengen talaplarǵa say xanalar óz waqtında ajratılmaǵanlıǵı hám qániygeler zárúr transport penen támiynlenbegeni.

Dizimge alıw múddetiniń qısqalıǵı (12 kún) sebepli ayrım dizimge alıw uchastkalarında dizimge alıw jumıslarınıń óz waqtında tamamlanıwında qıyınshılıqlar payda boldı.