Jergilikli ashıq byudjet qarjıları esabınan Shomanay rayonı orayındaǵı Ózbekstan kóshesine 65 dana hám Аzatlıq 13 dana, Nawayı 58 dana, Ájiniyaz 34 dana  kóshelerine jámi 170 dana jańadan túngi jaqtılandırıw shıraqların ornatıw jumısların alıp barıw ushın etender.uzex.uz dástúrine 31.01.2022-jıl 20720-sanlı lot qoyılıp, bul qurılıs-montaj jumısların orınlawda «Nukus Elektromontaj» JShJti tender jeńimpazı boldı.

Biziń basqarmamız tárepinen usı elektr tarmaqlarında joqarıdaǵı qurılıs-montaj jumısların alıp barıwda Shomanay rayonlıq elektr tarmaqlarınan tiyisli ruxsatnama alıp, «Nukus Elektromontaj» JShJti shártnama tiykarında qurılıs jumısların 2022-jıl 15-fevral kúni basladı. Qurılıs-montaj jumısları shártanamada belgilengen 20 kún múddet ishinde yaǵnıy uzaǵı menen 10-mart kúnine juwmaqlaw rejelestirilgen.

Usı qurılıs-montaj jumısları ámelge asırıw waqtında elektr tarmaqlarında qawipsizlik texnikasına tiykar joqarıdaǵı kóshelerde túngi jaqtılandırıw shıraqları hám de qala orayındaǵı Ózbekstan kóshesi menen Jayxun kóshesi kesilispesindegi, Ózbekstan kóshesi menen I.Karimov kóshesi kesilispesindegi hám de Ózbekstan kóshesi menen Аzatlıq kóshesi kesilispesindegi svetofor úskenelerin elektr energiyası menen támiynlewde waqtınsha úzilisler bolıwın esletip ótemiz.

Shomanay rayonlıq Аbadanlastırıw basqarması Administratciyası.