Shomanay rayonı 1-sektor aymaǵındaǵı «Mamıy» awıl puqaralar jıyınında Ózbekstan Respublikası Prezidentiniń 2021-jıl 11-mart kúngi «Jılqıshılıq hám at sportın rawajlandırıw hám de zamanagóy beskurash rolo sport túrlerin ǵalabalastırıw boyınsha is-ilajları haqqında»ǵı PQ-5024-sanlı qararına muwapıq Mamıy dalasında Qaraqalpaqstan Respublikası Qorǵaw basqarması Shomanay rayonı qorǵaw bólimi, Shomanay rayonı hákimligi, hám «Dáwlet» fermer xojalıǵı menen birgelikte at báygisi jarısı shólkemlestirildi.

Báygige tústken atlar Respublikamızdıń Nókis, Qońırat, Xojeli hám Qanlıkól rayonlarınan kelip qatnastı. Bunda shabandozlar eń uzaǵı 6 aylanımǵa shekem shawıp, 1 aylawda  Nókis rayonınan Q.Tasimov, 2 aylawda Qunan atlar shabısında Nókis qalasınan B.Ibragimov, 2 aylawda úlken at shabısında Qanlıkól rayonınan R.Arzimov, 3 aylau Kegeyli rayonınan Maxmud maqsım, 4 aylawda Qońırat rayonınan M.Tilewmuratov, 5 aylawda Xojeli rayonınan J.Aytmuratov,  hám 6 aylawda Qońırat rayonınan A.Allamuratovlardıń atları birinshi bolıp kelip, shólkemlestiriwshiler hám qáwenderler tárepinen tayarlanǵan sawǵalar (Gilem, elektron pechka, televizor) menen sıylıqlandı.

Shomanay rayonı hákimligi málimleme xızmeti.

@shomanay_rayon