Usı jıldıń 6-fevral kúni Shomanay rayonı “Nawrız” mákan puqaralar jıyını aymaǵındaǵı Sultanova Palzada apa 100 jasqa toldı.

Shomanay rayonı hákimi B.Yangibaev apamızdıń shańaraǵında bolıp, tuwılǵan kúni múnásibeti menen qutlıqladı hám kir juwıw mashinası jáne de gaz plitasın tapsırdı.

Sultanova Palzada 1922-jılı 6-fevral kúni Moynaq rayonı balıqshılar shańaraǵında tuwılǵan.

Urıs jıllarında 19 jaslı Palzada Moynaq balıq zavodında 5 jıl jumıs islep, frontqa balıq ónimlerin jiberip turǵan.

Qız waqtında Xalmuratova Palzada Moynaqtaǵı Qızıljar awılına turmısqa shıǵıp, Sultanova familiasına ótedi hám 1952-jılı Taxiatash rayonındaǵı Gospitalda miyribiyke bolıp islegen, 1968-69 jıllarda Áskeriy bólimde, 1969-

1987 jıllarda Shomanay rayonı oraylıq emlewxanada jumıs islegen.

3 balası, 12 aqlıq, 15ten aslam shawlıqları bar Palzada apamızdıń halınan hár kúni perzentleri aǵayin tuwısqanları, qońsı-qobaları xabar alıp, járdemlesip pátiyaların alıp kelmekte.

Shomanay rayonı hákimligi málimleme xızmeti.

@shomanay_rayon