Búgin Shomanay rayonı 1-sektor aymaǵındaǵı «Mamıy» awıl puqaralar jıyını 5-sanlı ulıwma bilim beriw mektebinde puqaralar qabıllawı ótkerildi.

Qabıllawǵa Shomanay rayonı hákiminiń birinshi orınbasarı A.Qaljanov, rayonlıq Ishki isler bólimi baslıǵı P.Iskenderov,  hákim járdemshisi R.Qutlımuratov tiyisli mákeme hám kárxana basshıları qatnastı.

Qabıllawǵa kelgen puqaralar tárepinen medicina,kredit,kommunal, jol hám suw máselelerinde múrájatler bildirilip, tiyisli taraw wákilleri tárepinen túsinikler berip ótildi hám ayırım máseleler qadaǵalawǵa alınıp, taraw qánigelerine unamlı sheshiw boyınsha tapsırmalar berildi.

Shomanay rayonı hákimligi málimleme xızmeti

@shomanay_rayon