Búgin Shomanay rayonında Máhállelerdegi jaslardıń bos waqıtların mazmunlı ótkeriw hám kitapqumarlıqtı rawajlandırıw baǵdarında, Jaslar isleri agentligi rayonlıq bólimi, Kitapxana-málimleme orayı menen birgelikte jaslar arasında kitapqumarlıqtı keń en jaydırıw, qızıǵıwshılıǵın asırıw maqsetinde «Taza bazar» mákan puqaralar jıyını imaratında kitapqumarlıq akciyası ótkerildi. Bunda máhállelerdegi jaslar, kitaplar kórgizbesinde qatnastı hám kitapqumarlıq boyınsha soraw juwaplar vitkorinasında qatnasıp, jeńimpaz bolǵan jaslar múnásip sıylıqlandı.

Sonday-aq rayonlıq Mádeniyat bólimi menen birgelikte 8-sanlı mektepke shekemgi bilimlendiriw shólkeminde balalardıń kewilin kóteriw hám olardıń mádeniy dem alıwları ushın «Ertekler eline sayaxat» atamasında ertek qaharmanları qatnasında koncert baǵdarlamasın usındı.

«Shomanay Shamenay» JShJ de gózzallıq salonı hám de shash túrmeklew sırları boyınsha qızlar ushın tájiriybeli qánigeler tárepinen master klasslar shólkemlestirildi. Bunda máhálledegi jumıssız hayal-qızlar ózleri qızıqqan tarawı boyınsha kónlikpe hám bilimlerge iye bolıp, ámelde qollanıp kórdi.

Shomanay rayonlıq balalar sport mektebi janındaǵı jasalma qaplamalı kishi futbol maydanshasında máhálledegi er balalar arasında  oq jaydan oq atıw sport jarısı ótkerildi.

Bunda Milliy gvardiya rayonlıq qorǵaw bólimi qánigeleri qatnasında alıs aralıqtan oq jaydan oq atıp bellesti. Bellesiw juwmaǵında jeńimpazlar múnásip sıylıqlandı.

Máhálledegi jaslar arasında tańlawlar ele dawam etpekte.

Shomanay rayonı hákimligi málimleme xızmeti

@shomanay_rayon