Búgin Shomanay rayonı hákimligi májilisler zalında elektron imza hám LOTqa jaylastırılǵan jer maydanların aukcionda qatnasıp alıw tártibi boyınsha kórgizbeli seminar bolıp ótti.
Seminarda Shomanay rayonı hákimi B.Yangibaev, sektor baslıqları, hákim orınbasarları, hákim járdemshileri hám tiyisli mákeme kárxanalar qánigeleri qatnastı.

Seminar dawamında hákim járdemshilerine Mámleketlik kadastrlar palatası Shomanay rayonı filialı baslıǵı B.Iniyatov tárepinen puqaralardıń E-Aukcion elektron sawda maydanshası arqalı diyqan xojalıǵı maqsetinde paydalanatuǵın jer maydanların alıw hám aukcionǵa qatnasıw tártibi haqqında, Mámleketlik xızmetler orayı bas qánigesi B.Dawletmuratov tárepinen Elekron imza alıw tártibi haqqında ámelde kórsetpeler hám túsinikler berildi.
Shomanay rayonı hákimligi málimleme xızmeti