Shomanay rayonı 1-sektor aymaǵındaǵı «Mamıy» awıl puqaralar jıyınında Ózbekstan Respublikası Prezidentiniń 2021-jıl 11-mart kúngi «Jılqıshılıq hám at sportın rawajlandırıw hám de zamanagóy beskurash rolo sport túrlerin ǵalabalastırıw boyınsha is-ilajları haqqında»ǵı PQ-5024-sanlı qararına muwapıq Mamıy dalasında Qaraqalpaqstan Respublikası Qorǵaw basqarması Shomanay rayonı qorǵaw bólimi Shomanay rayonı hákimligi menen birgelikte at báygisi jarısı shólkemlestirildi.

Bunda jaslardıń bos waqıtın mazmunlı ótkeriw hám rayonda Shabandozlar mektebin shólkemlestiriw menen birge ata-babalarımızdan miyras bolıp kiyatırǵan milliy at sport túrlerine qızıǵıwshılıǵın arttırıw maqset etilgen.

Báygige tústken atlar Respublikamızdıń Nókis, Qońırat, Xojeli hám Qanlıkól rayonlarınan kelip qatnastı. Bunda shabandozlar eń uzaǵı 6 aylanımǵa shekem shawıp, 5 hám 6 aylawda Qanlıkól rayonınan Allaniyazov Musanıń atı birinshi bolıp kelip shólkemlestiriwshiler hám rayon hákimligi tárepinen tayarlanǵan diplom hám televizor menen sıylıqlandı.

Shomanay rayonı hákimligi málimleme xızmeti