Ózbekstan Respublikası Prezidentiniń «Den sawlıqtı saqlaw tarawında alıp barılıp atırǵan reformalardı izbe-izlikte dawam ettiriw hám medicina xızmetkerleriniń tájriybesin arttırıw ushın  zárúr shárt-sharayatlar jaratıw haqqında»ǵı 2021-jıl 5-may kúngi PP-6221-sanlı Pármanı hám de Ózbekstan Respublikası Ministrler Kabinetiniń «Ózin-ózi bánt etken shaxs sıpatında miyribiykelik jumısın tártipke salıw is-ilajları haqqında»ǵı 2021-jıl 17-sentyabr kúngi 578-sanlı qararına muwapıq, orta maǵlıwmatlı medicina kolledjilerin pitirgen jumıssız puqaralarǵa miyribiykelik jumısı menen erkin shuǵıllanıwı boyınsha seminar ótkerildi.

Seminarǵa Shomanay rayonı hákimniń birinshi orınbasarı A.Qaljanov, Qaraqalpaqstan Respublikası prokuraturası bólim baslıǵı O.Xudaybergenov, Den sawlıqtı saqlaw Ministrliginen A.Asqarov, Bántlik hám miynet qatnasıqları Minstrliginen O.Qazaqbaev, Mámleketlik salıq basqarmasınan M.Berdiev, hákim járdemshileri, Oraylıq bank hám basqa da tiyisli mákeme shólkem qánigeleri qatnastı.

Seminar dawamında jumıssız puqaralar taraw boyınsha ózleriniń qızıqtırǵan sorawların berip qánigeler tárepinen juwaplar aldı hám miyribiykelik jumısı menen erkin shuǵıllanıwdı qálewshi puqaralar dizimleri qáliplestirildi.

Shomanay rayonı hákimligi málimleme xızmeti.