Usı jıldıń 27-yanvar sánesinde Shomanay rayonındaǵı «Awır aymaq» esaplanǵan “Qarabaylı” mákan puqaralar jıyını aymaǵında, Awır aymaqlarda 2022-jılda islenetuǵın jumıslar boyınsha seminar ótkerildi.

Seminarda rayon hákimi B.Yangibaev, Shomanay rayonı Xalıq qabıllawxanası baslıǵı I.Abdraxmanov, rayon sektor baslıqları, hákim orınbasarları hám rayonlıq Ayrıqsha jaǵdaylar bólimi, tiyisli mákeme shólkemler qánigelerinen ibárat dúzilgen isshi toparlar qatnasıp, tarawlar boyınsha isleniwi kerek bolǵan wazıypalar belgilep berildi.

Soń tiyisli mákeme shólkemler qánigelerinen ibárat dúzilgen isshi toparlar tarepinen kólemli jumıslar baslap jiberildi.

Atap aytqanda «Qarabaylı» mákan puqaralar jıyını aymaǵına kirer úlken jol boyınan, máhálleniń orayına shekemgi jollar abadanlastırılıp, Ayrıqsha jaǵdaylar bóilmi menen birgelikte elektr hám gaz tarmaqları kárxanaları tárepinen úylerdegi elektr hám gaz tarmaqları kózden ótkerildi hám kemshilikler ornında saplastırıldı. Gaz tarmaǵı jetip barmaǵan jámi 24 xojalıqlarǵa suyıltırılǵan gaz balonları tarqatıldı.

Shomanay rayonı hákimligi málmleme xızmeti

@shomanay_rayon