Bunda Jańa Ózbekstannıń 2022–2026 jıllarǵa mólsherlengen rawajlanıw strategiyası hám onı 2022-jıl – Insán qádirin ullılaw hám belsendi máhálle jılında ámelge asırıwǵa tiyisli mámleketlik dástúr orınlanıwın shólkemlestiriw máseleleri dodalanbaqta.

“Bársheńizge málim, házirgi kúnde mámleketimiz ómirinde júdá áhmiyetli dáwir baslanbaqta. Bul – jańa rawajlanıw hám milliy joqarılaw dáwiri.

35 millionnan ibárat kópmilletli xalqımız dunyadaǵı rawajlanǵan mámleketlerge tán ómir dárejesine erisiw, ádalatlı, erkin hám abat jámiyet qurıwday ullı maqsetler menen jasamaqta.

Bugin biz janajan Ózbekstanımızdıń wzaq múddetke mólsherlengen perspektivası menen baylanıslı bolǵan júdá áhmiyetli máseleni dodalaw ushın jıynaldıq “, dedi mámleket basshısı jıynalıs basında.

Mámleketimiz basshısı Jańa Ózbekstannıń rawajlanıw strategiyası haqqında:

“Hámmeńiz xabardarsız, ótken jılı saylawaldı dástúri sheńberinde aymaqlarǵa sapar dawamında  “Insan qádiri ushın” principi bárshe reformalarımızdıń bas mıyzanı sıpatında belgiledik.

“Mámleket – insan ushın” degen ezgu ideyanı ómirge engiziw maqsetinde 2022–2026 jıllarǵa mólsherlengen Jańa Ózbekstannıń rawajlanıw strategiyasın tuwrıdan-tuwrı xalqımız benen másláhátlesip, adamlarımızdıń pikir hám usınısları tiykarında islep shıqtıq. Usı strategiyada:

– jaqın hám orta perspektivada Ózbekstannıń rawajlanıw tendenciyaları qanday boladı?

– kelesi jumısımızdı belgileytuǵın qaysı maqset hám wazıypalar biz ushın eń baslı hám áhmiyetli esaplanadı?

– mámleket hám jámyiet ómiriniń bárshe jónelislerin kompleks rawajlandırıw ushın tiykarǵı itibardı nelerge qaratıwımız kerek?

– keyingi jıllardaqabıl qılınǵan nızam hám qararlarımız, dástúr hám rejelerimizdi jańa dáwirde qanday dawam ettiriwimiz, olarǵa qanday qosımsha hám ózgertiwler kiritiwimiz kerek, degen sorawlarǵa tereń hám hár tárepleme juwap berilgen”.