Májbúriy orınlaw byurosınıń Shomanay rayonlıq bólimi is júritiwinde, Puqaralıq isleri boyınsha Qońırat rayonlararalıq sudınıń 21.10.2020-jıl orınlaw qaǵazına tiykar qarızdar Shomanay “Agroservis” MTP JShJnen óndiriwshiler Shomanay “Agroservis” MTP JShJ jumısshı xızmetkerler paydasına yaǵnıy 12 puqaraǵa jámi 83 118 418 swm is haqı teńlestirilgen tólemlerdi óndiriw haqqındaǵı orınlaw hújjeti bólim is júritiwine kelip tústi.

Orınlaw háreketleri dawamında qarızdar Shomanay “Agroservis” MTP JShJ esabında bolǵan Shomanay rayonı Ózbekstan kóshesi 124 úyde jaylasqan hákimshilik imarat oqıw imaratı, ustaxana hám qarawılxana imaratları xatlawdan ótkerilip, satıwǵa shıǵarıldı. Usı satılǵan múlklerden túsken qarjılardı Shomanay “Agroservis” MTP JShJ isshi xızmetkerlerine yaǵnıy 12 puqaraǵa jámi 83 118 418 swm is haqı tolıǵı menen óndirilip berildi.

Usı orınlaw hújjeti Ózbekstan Respublikası “Sud hújjetleri hám basqa organlar hújjetlerin orınlaw haqqında”ǵı nızamnıń 41-statyasına tiykar tamamlandı.

Shomanay rayonı hákimligi málimleme xızmeti