Mámleketimiz basshısı belsendi reformalar, isbilermenlikti rawajlandırıw hám máhállebay islew baslanǵanı nátiyjesinde, ótken jılı jalpı ishki ónim 7,4 payızǵa óskenin aytıp ótti.

Aymaqlarda 100 mıń jańa isbilermen is basladı. Ózin-ózi bánt etkenler sanı 700 mıńǵa kóbeyip, 1,2 millionǵa jetti.

“Máhállebay” islew sisteması arqalı “temir dápter”degi 583 mıń mútáj shańaraq turaqlı dáramat penen támiyinlendi.

“2022-jılı “Insan qádrinin ullılaw hám belsendi máhálle jılı” dep járiya qıldıq. Sol sebep, bul jıl bárshe máhállelerde túp ózgerisler jılı bolıwı kerek”, dedi Prezident.

Jıynalısta “máhállebay” islewdiń jańa sistemasın jolǵa qoyıw menen baylanıslı máseleler dodalanbaqta.

Solardan, jańa jıldan 9 mıń 309 hákim járdemshileri jumıs basladı hám olarǵa kómek beriw ushın wázirliklerden 300 basshı xızmetkerler xızmet saparına jiberildi.

Usı sistemaǵa juwapker bolǵan Máhállebay islew hám isbilermenlikti rawajlandırıw agentligi jumısı shólkemlestirilip, bárshe máseleler sheship berildi.

Bunnan keyin hákim járdemshileri, eń birinshi, islew imkániyatı hám qálewi bar, lekin sharayatı awır shańaraqlardı oqıtıw hám óz jumısın baslawı ushın jeńilletilgen kredit, subsidiya yaki diyxan xojalıǵı ushın olarǵa jer maydanları ajıratıw máseleleri menen shuǵıllanadı.

Hákim járdemshileri xalıq penen hár kúni islep, adamlarǵa mámleket tárepinen jaratılǵanm ekonomikalıq imkániyatlardı jetkeriwi, isbilermenlikke hám diyxanshılıqqa úyretiw arqalı olardı kambaǵallıqtan shıǵarıw lazım.

Bul maqsetler ushın usı jılda 10 trillion swm jeńilletilgen kredit hám 2,5 trillion swm subsidiya ajıratıladı (hár bir máhallege ortasha 1,3 milliard swm).

Shavkat Mirziyoev: hákim járdemshileri – Prezidenttiń máhálledegi wákilleri esaplanadı.

“Olardıń tiykarǵı wazıypası – óz máhállesinde isbilermenlikti rawajlandırıw, jumıs ornın jaratıw, kambaǵallıqtı qısqarttırıw hám shańaraqlar dáramatın kóbeyttiriwden ibárat.

Bunıń ushın, hákim járdemshileri hár qanday byurokratiyadan jıraq bolıwı, hesh qaysı hákim yaki basshı olardı májilislerge shaqırmawı, túrli esabatlar menen “kómip taslamawı” lazım.

Hákimler olar ushın tek ǵana sharayat jaratıp beriwi kerek”, dedi mámleketimiz basshısı jıynalısta.

Prezident xalıq múrájatleri arqalı orınlardaǵı jaǵdaydı úyrenip, máhálleler kórinisi hám sociallıq ortalıqtı jaqsılaw wazıypasın qoydı.

Bul jumıslardı, birinshiden, ekonomikalıq hám sociallıq jaǵdayına qarap awır bolǵan máhállelerden baslaw kerekligi, olardaǵı jollardı ońlaw, sım aǵashlardı almastırıw, ishimlik suw tarmaqların qurıw hám ońlaw lazımlıǵı kórsetip ótildi.

Sonday-aq, usı aymaqlarda sociallıq ortalıq, baqsha, mektep, emlewxana sharayatların jaqsılaw, bir sóz benen aytqanda, adamlardı razı qılıwǵa áhmiyet beriw kerekligi aytıldı.

Jıynalısta 6 millionǵa jaqın turaqlı hám máwsimlik jumıs ornın jaratıw boyınsha rejeler hám kórip shıǵıldı dep xabar berdi Prezident baspasóz xatkeri.

Derek: https://t.me/Press_Secretary_Uz

Shomanay rayonı hákimligi málimleme xızmeti