Búgin Shomanay rayonı 13-sanlı balalar muzıka hám kórkem óner mektebinde Ózbekstan Respublikası Qurallı kúshleriniń shólkemleskenine 30 jıl tolıwı hám «14-yanvar Watan qorǵawshılar kúni»  bayramı múnásibeti menen saltanatlı keshe ótkerildi.

Bayram keshesin Shomanay rayonı hákiminiń birinshi orınbasarı A.Qaljanov qutlıqlaw sóz benen ashıp berdi. Soń hákim orınbasarları hám sektor baslıqları menen birgelikte áskeriy xızmetkerlerge bayram múnásibeti menen rayon hákimligi tárepinen tayarlanǵan húrmet jarlıqlar hám bahalı sawǵalar tapsırıldı.

Sonday-aq rayonımızdan Tashkent qalası hám wálayatlarda xızmet etip atırǵan jaslardıń ata-analarına hákimlik tárepinen Minnetdarshılıq xatı tapsırıldı.

Bayram keshesi rayonlıq Mádeniyat bólimi tárepinen tayarlanǵan koncert baǵdarlaması menen dawam etti.

Shomanay rayonı hákimligi málimleme xızmeti

@shomanay_rayon