Shomanay rayonı yuridik xızmetler kórsetiw orayı xızmetkerleri tárepinen usı jıldıń 13-yanvar kúni rayonlıq Mektepke shekemgi bilimlendiriw bólimi xızmetkerleri ortasında Ózbekstan Respublikası Prezidentiniń “2022-jılda rásmiy sánelerdi belgilew dáwirinde qosımsha islenbeytuǵın kúnlerdi belgilew hám dem alıs kúnlerin kóshiriw haqqında»ǵı 2021-jıl 20-dekabrdegi PP-35-sanlı Pármanı hám Ózbekstan Respublikası Miynet kodeksiniń 144-statyası mazmun-mánisin úyreniw boyınsha túsindiriw hám úgit-násiyat jumısların ámelge asırıldı.

Sonday-aq Ózbekstan Respublikası miynet kodeksiniń 144-statyasına muwapıq, dem alıslardı beriw waqtı hám náwbeti belgilengenligi, oǵan kóre, jıllıq demalıslardı beriw náwbeti kalendar jıl baslanaman degenshe jumıs beriwshi tárepinen kásiplik awqamı komiteti yáki xızmetkerlerdi basqa wákillik organı menen kelisip tastıyıqlanatuǵın kestege muwapıq belgileniwi túsindirildi hám de dem alıs beriw waqtı haqqında xızmetker dem alıs baslanıwınan keminde 15 kún aldın xabar beriw kerekligi aytıp ótildi.

Shomanay rayonı yuridik xızmet kórsetiw orayı xızmetkeri

Bas yuristkonsultı M.Orazbaev hám Bas yuristkonsultı S.Turdımuratov

Shomanay rayonı hakimligi malimleme xızmetı