Shomanay rayonı Xalıq bilimlendiriw bólimine qaraslı 1-sanlı ulıwma bilim beriw mektebinde Respublika Ruwxıylıq hám aǵartıwshılıq orayı Shomanay rayonlıq bólimi tárepinen ulıwma orta bilim beriw mekteplerindegi dóretiwshi-mádeniy máseleler boyınsha úgit-násiyatshılar jumısınıń nátiyjeligin arttırıwǵa qaratılǵan ámeliy seminar-trening shólkemlestirildi.

Onda Shomanay rayonlıq Xalıq bilimlendiriw bólimi, rayonlıq Jome meshiti Imamı, «Shomanay nurı» gazetası, rayonlıq IIB hám birge islesiwshi shólkemlerden qánigeler, mekteplerdegi dóretiwshi-mádeniy máseleler boyınsha úgit-násiyatshılar hám ǵalaba xabar qurallarınıń wákilleri qatnastı.

Seminar-treningtıń ashılıw máresiminde, Húrmetli Prezidentimizdiń usı jıldıń 26-mart sánesindegi «Ruwxıy-aǵatıwshılıq jumıslar sistemasın túp-tiykarınan jetilistiriw ilajları haqqında»ǵı qararına tiykar Shomanay rayonındaǵı jámi 33 ulıwma orta bilim beriw mekteplerinde jumıs alıp barıp atırǵan jazıwshı-shayır, jurnalist hám basqa da dóretiwshilerden ibárat dóretiwshi-mádeniy máseleler boyınsha úgit-násiyatshılar jumıs  barısı, erisilip atırǵan jetiskenlikleri hám qoyılıp atırǵan qáte-kemshiliklerge Respublika ruwxıylıq hám aǵartıwshılıq orayı Shomanay rayonlıq bólimi baslıǵı I.Allaniyazov toqtap ótti.

Onnan soń Shomanay rayonı Jome meshiti imam xotibi B.Amedov qánige dóretiwshilerge ósip kiyatrǵan jas áwlad wákilleri menen islesiwdegi kásiplik mamanlıǵın arttırıw baǵdarında kólemli jumıslardı shólkemlestiriw kerek ekenligi, bala tárbiyası menen túpten shuǵıllanıp zaman aǵımı hám jaslar kóz qarasına tiykarlanǵan halda jumıs alıp barıwı haqqında aytıp ótti.

Seminar-trening kún dawamında Nókis qalasında arnawlı metodikalıq bilim alıp kelgen qánigeler M.Baydullaeva hám Q.Orazbaevler tárepinen alıp barıldı.

Shomanay rayonı hákimligi málimleme xızmeti

@shomanay_rayon