Ózbekstan Respublikası Prezidentiniń 5278-sanlı «Xalıqqa mámleketlik xızmetler kórsetiwdiń milliy sistemasın túp tiykarınan reformalaw haqqındag‘ı is-ilajları» haqqındag‘ı pármanına tiykar isbilermenlik subektlerine mámleketlik xızmetlerdi kórsetip kelgen «bir ayna» orayları isbilermenlik subektleri, yuridikalıq hám fizikalıq shaxslarg‘a mámleketlik xızmetlerdi kórsetiwshi «Mámleketlik xızmetler orayı» na aylandırılg‘an edi. Prezidentimiz Shavkat Mirzyiyoev tárepinen alg‘a surilgen «Xalqımız mámleketlik xızmetler uyımlarǵa emes, mámleketlik uyımlar xalqımızǵa xızmet etiwi kerek» puqaralar mákeme hám shólkemler arasında qatnap júrmesligi ushın «Puqaralar emes hújjetler hárketlenedi» degen pikirdi aytqan edi.

Mámleketlik xızmetler orayları shólkemlestiriliwi waqtında kórsetiletuǵın xızmetler sanın 30 ǵa jaqın xızmet penen baslaǵan bolsa búgingi kúnde 160 tan zıyat mámleketlik xızmetler kórsetilmekte.

Shomanay rayonı mámleketlik xızmetler orayı tárepinen ámelge asırılǵan jumıslar haqqında aytıp ótetin bolsaq, 2021-jıl 11 ayı dawamında kórsetilgen xızmet sanı 27 mıńnan zıyat bolıp, bul óz gezeginde oraylar arqalı kórsetilip atırǵan xızmetlerge xalqımızdıń talabı joqarı ekenliginen derek bermekte.

Jáne de barlıq ulıwma bilim beriw mektepleri pitkeriwshi jasları hám oqtiwshıları, rayon aymaǵındaǵı mákeme hám shólkemlerde «Elektron mámleketlik xızmetlerden paydalanıw» boyınsha túsinik hám kónlikpeler berilip, ámeliyatta kórsetilip dáslepki kónlikpeler berilmekte.

Oraylarǵa berilgen damas avtomobilleri menen alıs aymaqlarǵa shıqqan halda xalqımızǵa qolaylılıq jaratıw maqsetinde kóshpeli túrde mámleketlik xızmetler kórsetilmekte. Atap aytqanda 2021-jıl 11 ay dawamında 3 200 den zıyat xızmetler kórsetildi.

Bunnan tısqarı aprel ayınan baslap oray iskerligi rayon orayınan barlıq qolaylıqlarǵa iye zamanagóy jańa imáratta jumıs basladı, sol qatarı «Qarabaylı» MPJ aymaǵında sol aymaqtaǵı jasawshı turǵınlardıń qımbatlı waqtın tejew hám olarǵa qolaylıq jaratıw maqsetinde Mámleketlik xızmetler orayınıń filialı shólkemlestirildi.

Jańadan shólkemlestirilgen filial ashılǵanına kóp bolıwına qaramastan 900 den zıyat xızmet kórsetiliwi bul sol aymaqtaǵı xalıqtıń talabı joqarı ekenligin bildirmekte.

Jáne de oraydaǵı barlıq xızmetlerden orayǵa kelip yáki úyden shıqpastan birden bir interaktiv xızmetler portalı arqalı mámleketlik xızmetlerden paydalanıwǵa, óziniń jasaw yáki turaqlı jasaw mánziline qaramastan qálegen ózine jaqın bolǵan mámleketlik xızmet orayına barıp xızmetlerden paydalanıw múmkin. Joqarıda keltirilgenler tek ǵanа sanlı kórsetkishler emes bálkim puqaralardıń kúndelikli hám jıllar dawamında qıynap kelgen mashqalaları hám másleleriniń jámlenbesi desekte qátelespegen bolamız. Mámleketlik xızmetler orayı hár dayım hár jerde xalqımızǵa xızmet kórsetiwge tayın ekenligin hám buǵan bekkem bel baylaǵanlıǵın xalqımızǵa bárelle aytqımız keledi.

Shomanay rayonı Mámleketlik xızmetler orayı bólim baslıǵı

Dawletmuratov Baxadir Erpolatovich