Jaslardıń oylaw qábiletin rawajlandırıw, innovaciyalıq joybarların qollap-quwatlaw hám de jaslar arasında robototexnika tarawın rawajlandırıw maqsetinde 18-dekabr kúni Shomanay rayonı “Bárkamal áwlad” balalar mektebinde “Jaslar aylıǵı” sheńberinde “Jıldıń eń jaqsı oylap tabıwshısı” atlı tańlaw bolıp ótti.

Tańlawǵa úsh jónelis boyınsha ulıwma bilim beriw mekteplerinen hám “Bárkamal áwlad” balalar mektebinen 28 qábiletli jaslar qatnastı.

Tańlaw juwmaǵında “Aviamodel” jónelisi boyınsha 33-sanlı qánigelestirilgen mektep oqıwshısı Reymov Dáwlet, “Avtomodel” jónelisi boyınsha 12-sanlı mektep oqıwshısı Keńesbaev Atabek hám de “Robototexnika” jónelisi boyınsha 1-sanlı mektep oqıwshısı Jalgasov Jaxangirler jeńimpaz dep tabılıp shólkemlestiriwshiler tárepinen múnásip sıylıqlandı.

Shomanay rayonı hákimligi málimleme xızmeti