Shomanay rayonı hákimligi májilisler zalında  Xalıq deputatları Shomanay rayonlıq Keńesiniń qırıq úshinshi sessiyası bolıp ótti.

Sessiyaǵa Xalıq deputatları Shomanay rayonlıq Keńesi deputatları 4 sektor baslıqları, hákim orınbasarları hám awıl mákan puqaralar jıyınları baslıqları, sonday-aq ǵalaba xabar quralları wákilleri qatnastı. Sessiya kún tártibindegi másele boyınsha Shomanay rayonın 2021-jıl social-ekonomikalıq rawajlandırıw juwmaǵı hám de 2022-jılǵı rejeleri boyınsha rayon hákimi B.Yangibaevtıń múrájati tıńlandı. Sessiya hákimliktiń facebook social tarmaǵı arqalı tuwrıdan-tuwrı janlı еfirge uzatıldı.

Sessiyada Shomanay rayonı hákiminiń rayon xalqına múrájati tıńlanǵannan soń dodalawǵa qoyıldı. Dodalaw ushın sózge Xalıq deputatları rayonlıq Keńesi deputatı S.Adakaev shıǵıp óz pikir usınısların bildirdi.

Shomanay rayonın 2021-jıl social-ekonomikalıq rawajlandırıw juwmaǵı hám de 2022-jılǵı rejeleri boyınsha islengen hám keleside isleniwi rejelestirilgen jumısların qollap-quwatlawdı usınıs etti.

Kún tártibindegi másele dodalanıp, Xalıq deputatları rayonlıq keńesi deputatları tárepinen tastıyıqlandı.

Shomanay rayonı hákimligi málimleme xızmeti.