Bul nızamǵa kóre, Ózbekstan Respublikası hákimshilik juwapkershilik haqqındaǵı Kodekstıń 128-1-statyası jańa redakciyada berildi.

Aldıńǵı redakciyadaǵı nızamshılıqta transport quralın basqarıw waqıtında aydawshılardıń telefonnan paydalanıwı, tap usınday huqıqbuzarlıq hákimshilik jaza qollanǵannan soń bir jıl dawamında tákirar islengen bolsa hákimshilik juwapkershilik názerde tutılǵan edi.

Bul nızam menen kiritilgen ózgerislerge kóre, telofonnan qulaqshınlar arqalı hám de qolların isletpesten turıp sóylesiw imkániyatın alıp barıw imkaniyatın beriwshi basqa úskeneler arqalı sóylesiwden tısqarı jaǵdaylarda transport quralın basqarıwda telefonnan paydalanıwı ushın hákimshilik juwapkershilik belgilendi.

Sonıń menen birge, aldıńǵı nızamshılıqqa kóre, avtomobil transportında jolawshılar tasıw iskerligi menen licenciyasız shuǵıllanıw huqıqbuzarlıǵı ushın puqaralarǵa bazalıq esaplaw razmeriniń 20 esesinen 100 esesine shekem, lawazımlı shaxslarǵa bolsa 50 eseden 150 esege shekem muǵdarda járiyma belgilengen bolsa, usı jańa nızam menen bul puqaralarǵa bazalıq esaplaw razmeriniń 7 esesi muǵdarında, lawazımlı shaxslarǵa bolsa 30 esesi muǵdarında járiyma salınıwı belgilendi.

Sonday-aq, bul nızam menen aydawshınıń janında Ózbekstan Respublikasınıń ishki isler organları yamasa konsullik shólkemleri tárepinen berilgen biometrik pasport yamasa identifikaciyalawshı ID kartası bar bolǵan jaǵdayda, onıń transport quralın basqarıw huqıqın beriwshi hújjetti, transport quralı dizimnen ótkenligi haqqındaǵı, sonday-aq, transport quralına iyelik etiw, iyesi joqlıǵında onnan paydalanıw yamasa onı beriw huqıqın tastıyıqlawshı hújjetlerdi, transport qurallarınıń iyeleriniń puqaralıq juwapkershiliginiń májbúriy qamsızlandırıw boyınsha qamsızlandırıw polisin qasında alıp júriwi talap etilmeytuǵınlıǵı belgilendi.

Qaraqalpaqstan Respublikası

hákimshilik sudı sudyası J.Aymaǵanbetova