«3-dekabr-Xalıqaralıq mayıplar kúni múnásibeti menen «Hesh kim mehir hám itibardan shette qalmaydı» súreni tiykarında ótkerilgen ilajda Shomanay rayonı hákimi B.Yangibaev, Máhálle hám shańaraqtı qollap-quwatlaw bólimi, sektor basshıları, qáwenderlik etiwshi  mákemeler menen birgelikte mayıplıǵı bolǵan puqaralar hám jalǵız baslı kekselerdiń shańarǵında bolıp, olardıń turmısı menen tanısıp, olarǵa jaqsı tileklerin bildirdi hám bayram sawǵaların tapsırdı.

Ilaj dawamında I-II-topar kóz keselligi boyınsha mayıplıǵı bolǵan 12 puqaradan, jeke tártipte bilim alıp atırǵan mayıplıǵı bolǵan 30 baladan, ózgeler kútimine mútáj  10 jalǵız baslı puqaralar hám 13 kem támiyinlengen shańaraqlardıń úylerine barıp, hal-jaǵdaylarınan xabar alıp oqıw quralları hám kitaplar, azıq-awqat ónimleri, 1 dana mayıplıq arbashası, 1 dana esitiw apparatları tapsırıldı.

Jıl basınnan mútáj shaxslardı reabilitaciya texnik buyımları hám kreslo-arbashalar menen támiyinlewde 23 dana mayıplar arbashası, 17 dana esitiw apparatı, 6 dana qultıq tayaq, 30 dana hasa tayaq, 6 dana kózi ázziler hasası hám 3 dana juriw ushın (xodunok) jetkerilip berilgen bolsa, 3 dekabr – Xalıqaralıq  mayıplar kúni múnásibeti menen 1 dana mayıplar arbashası, 1 dana esitiw apparatı mútáj shaxslarǵa tarqatıldı.

Shomanay rayonı hákimligi málimleme xızmeti

@shomanay_rayon