Usı jıldıń 29-noyabr kúni paytaxtımız Nókis qalasındaǵı Qaraqalpaqstan Respublikası balalar hám jas óspirimler futbol sheberlik mektebi (akademiya) stadionında futbol boyınsha «Professional futbol mektepleri ligası» Ózbekstan kubogı jarıslarınıń final oyını bolıp ótti.

Finalǵa shekem barlıq qarsılasların jeńip kelgen Qaraqalpaqstan Respublikası futbol sheberlik mektebi komandası finalda óz maydanında Ferǵana wálayatı futbol sheberlik mektebiniń komandasın qabılladı.

Qızǵın bellesiwlerge bay bolǵan oyında jerleslerimizdiń joqarı sheberlik hám kúshli tayarlıqqa iye ekenligi ayqın kórinip turdı. Solay etip, «Professional futbol mektepleri ligası» Ózbekstan kubogı jarıslarınıń final oyınında qaraqalpaqstanlı jas futbolshılar ferǵanalı qarsılasların 4:1 esabında jeńip shıǵıp, Ózbekstan kubogı jeńimpazı boldı.

Jeńimpazlar arasında Shomanaylı sportshılarımız Dáwran Hámidullaev hám Ruslan Ániwarovlar búgingi kúnde Qaraqalpaqstan Respublikası futbol sheberlik mektebinde bilim almaqta.

Jerleslerimizdi jeńisi menen qutlıqlaymız

Shomanay rayonı hákimligi málimleme xızmeti