Múrájat ushın isenim telefonı

background

SHOMANAY RAYONÍ HÁKIMINIŃ RAYON XALQÍNA MÚRÁJATI

SHOMANAY RAYONÍ HÁKIMINIŃ RAYON XALQÍNA MÚRÁJATI

Assalawma áleykum húrmetli Shomanay rayonı turǵınları!!!

Búgingi kún hám keleshegimizdiń áhmiyetli máselesi bolǵan  ekologik mashqalalardı sheshiw, onıń ushın bolsa aymaqlarda jasıl maydanlardı kóbeytiw, múyweli hám dekorativ terekleri egiw, sol arqalı tábiyattı kóklemzarlastırıw baslı máselege aylandı.

Sol múnásibet penen mámleketimiz basshısı baslamasına kóre usı jıldıń 10-dekabr kúnine shekem «Jasıl máskan» ulıwmamilliy háreketi sheńberinde áhmiyetli 40 kúnlik járiyalandı. Bul joybar sheńberinde jılına 200 mln túp terek nállerin egiw rejelestirildi. Respublikamız boylap jasıl maydanlardı ámeldegi 8 payızdan 30 payızǵa kѳteriw bul arqalı, ekologik turaqlılıqtı jaqsılaw maqset etilgen.

Húrmetli Shomanay xalqı!

Tariyxtan biziń ata-babalarımız diyxanshılıq hám baǵshılıq penen tereń shuǵıllanıp kelgen. Jaqsıdan baǵ qaladı degen hikmetke ámel qılǵan halda rayonımızda da gúzgi nál egiw jumısları baslap jiberilgen. Rayonımızda 2021-jıl gúz hám 2022-jıldıń báhár máwsimlerinde dekorativ hám miywe nállerinen jámi 592 mıń túp nál egiw belgilengen bolıp, búgingi kúnde hár-bir puqara, shańaraq, máhálle, kárxana hám shólkemler hár kúni terek nállerin ekpekte.

Bir qarıs jerdi de bos qoymastan dekorativ hám miywe nállerin egiwdi birgelikte ámelge asırıwımız kerek.

Hár kúni azanǵı saat 8:00 den 10:00 ge shekem rayondaǵı 4 sektor basshıları mákeme kárxana basshılırı menen birgelikte bárshe kárxana hám shólkemler átirapları, úlken jol boyları, máhállelerde, xalıq xojalıqlarında, kóshelerde nál egiw jumısları shólkemleskenlik penen alıp barılmaqta.

Gúz máwsiminde nál egiwdiń abzallıqları kóp, ásirese aral boyı aymaqlarında hawa atmosferasın jaqsılaw, aral teńiziniń qurıǵan boylarında kóterilip atırǵan qum hám duzlı boranlardıń aldın alıw boyınsha 3 jıldan berli gúz-qıs aylarında nál egiwdi tájiriybeden ótkerdik.

Dekorativ hám miywe nállerin egiw, ekologiya mashqalaların sheship qoymastan, bálki tábiyatta suw aylanıwı, ósip kiyatırǵan xalıqtıń miywe hám qurılıs materiallarına bolǵan mútájligin qandırıw menen birge qosımsha dáramat alıwda da áhmiyetli esaplanadı.

Demek búgingi ulıwmamilliy háreket bárshemizdi bir maqsette birlestiredi.

Bul islerimizdiń mánáwiy mánisi hám ruwxıy dunyamızǵa bolǵan tásiri júdá kúshli. Sol sebepten jumıslarımızdı jáne de rawajlandırǵan halda bársheńizdi ulıwmamilliy hárekette belsendi bolıwǵa shaqırıp qalaman.

Sebebi ulıwmamilliy háreket, jasıl maydanlardı keleshek áwladlarǵa miyras etip qaldırıw menen birge, ekologik ortalıqtı jaqsılawǵa qosqan úlesi boladı.

Háreketti, birgelikti búginnen dawam ettireyik!!!

Skip to content