Shomanay rayonı Xalıq bilimlendiriw bólimine qaraslı 16-sanlı orta ulıwma bilim beriw mektebinde jaslardı shaqırıqqa shekemgi baslanǵısh tayarlıq jónelisi hám watansúyiwshilik ilajların ótkeriw boyınsha tayanısh mektebi shólkemlestirilip, saltanatlı ashılıwı bolıp ótti.

Ashılıw máresimine Shomanay rayonı hákimi B.Yangibaev, Arqa batıs áskeriy okrugi komandiriniń birinshi orınbasarı Polkovnik D.Ilhomovlar qutlıqlaw sózi menen ashıp berdi.

Soń Qorǵanıw bóliminiń jawıngerlik nishan- bayraǵı tapsırıldı.

Ashılıw máresiminde Arqa batıs áskeriy okrugi áskeriy xızmetkerleri tárepinen jawıngerlik áskeriy kórinisler qoyılıp, orkestr jámáátiniń atqarıwında koncert baǵdarlaması bolıp ótti.

Soń Shaqırıqqa shekemgi baslanǵısh tayarlıq ótkeriletuǵın jawıngerlik oqıtıw xanası menen tanıstı.

Onda áskeriy jawıngerlik saatı hám siyasiy-aǵartıwshılıq sabaqları ótkerilip, sonnan avtomatlardı bóleklerge tarqatıp jıynaw, medicinalıq járdem, áskeriy bilimler hám kónlikpelerin asırıw boyınsha túsinikler berip ótildi.

Sonday-aq shaqırıqqa tayarlaw maydanshasında sapta júriw, turnik, arqanǵa tartınıw, júgiriw, granata ılaqtırıw hám basqa da shınıǵıw úskeneleri paydalanıwǵa tapsırıldı.

Shomanay rayonı hákimligi málimleme xızmeti