Jıynalısqa Ózbekstan Respublikası Oliy Majlisi Senatı aǵzası B.Matmuratov, Xalıq deputatları rayonlıq Keńesi baslıǵı B.Yangibaev, sektor baslıqları hám  Xalıq deputatları rayonlıq Keńesi deputatları menen ǵalaba xabar quralları wákilleri qatnastı.

Jıynalıs kún tártibi boyınsha Ózbekstan Respublikası Oliy Majlisi Senatı aǵzası B.Matmuratov shıǵıp sóylep, Oliy Majlis Senatınıń jigirma birinshi jalpı májilisinde maqullanǵan nızamlar hám kórip shıǵılǵan basqa máseleler boyınsha túsinler berip ótti.

Soń Shomanay hám Qanlıkól rayonlarına biriktirilgen Qanlıkѳl rayonı sudı baslıǵı E.Abibullaevtıń kún tártibindegi “Ayrıqsha jaǵdaylar jaǵdayı haqqında”ǵı Konstituciyalıq Nızam haqqındaǵı másele boyınsha bayanatı tıńlandı.

Kún tártibindegi keyingi másele boyınsha rayonlıq Mámleketlik salıq inspekciyası baslıǵı Z.Qadirov “Salıq hákimshiliginiń jedellestiriwi múnásibeti menen Ózbekstan Respublikasınıń ayırım nızam hújjetlerine ózgeris hám qosımshalar kiritiw haqqında”ǵı Nızam haqqındaǵı másele boyınsha bayanat qıldı.

Kún tártibindegi basqa máseleler boyınsha “Bala huqıqlarınıń kepilliklerin támiyinlew sistemasın jáne de jedellestiriw múnásibeti menen Ózbekstan Respublikasınıń ayırım nızam hújjetlerine ózgeris hám qosımshalar kiritiw haqqında”ǵı hám de “Transport hám qarjı tarawlarındaǵı ayırım huqıqbuzarlıqlardı sadır etkenlik ushın hákimshilik jazalar liberallastırılıwı múnásibeti menen Ózbekstan Respublikasınıń Hákimshilik juwapkershilik haqqındaǵı kodeksine ózgeris hám qosımshalar kiritiw haqqında”ǵı Ózbekstan Respublikası Nızamı boyınsha Ishki isler bólimi baslıǵınıń orınbasarı Е.Nurimbetov, “Intellektual múlk obektleri haqqındaǵı nızamshılıǵınıń jedellestiriliwi boyınsha Shomanay rayonı yuridikalıq xızmet kórsetiw orayı baslıǵı B.Utemuratov, “Awır sociallıq ahwalda qalǵan hayal-qızlar huqıqları kepilliklerin támiyinlew boyınsha Máhálle hám shańaraqtı qollap-quwatlaw bólimi baslıǵı orınbasarı D.Nietullaev, “Ósimlikler karantini hám qorǵawı sisteması jedellestiriliwi boyınsha Qaraqalpaqstan Respublikası Ósimlikler karantini hám qorǵaw agentligi Shomanay rayonlıq bólimi baslıǵı K.Qaljanovlar sózge shıqtı.

Shomanay rayonı hákimligi málimleme xızmeti