19-noyabr kúni Shomanay rayonı Xalıq bilimlendiriw bólimine qaraslı 1-sanlı ulıwma bilim beriw mektebinde  “Watanımnıń rawajlanıwına meniń úlesim” tańlawınıń Shomanay rayonlıq basqıshı bolıp ótti.

Bunda Xalıq bilimlendiriw bólimine qaraslı ulıwma bilim beriw mekteplerindegi 15 jastan joqarı bolǵan oqıwshılar “Kórkem hám ámeliy óneri”  jónelisi boyınsha bellesti. Jarıstı Respublika Ruwxıy hám aǵartıwshılıq orayı Shomanay rayonı bólimi baslıǵı I.Allaniyazov ashıp berdi hám jarıs qatnasıwshılarına áwmetler tiledi.

Jarıs juwmaǵına kóre I orındı 9-sanlı mekteptiń 10-klass oqıwshısı M.Xojambergenova, II orındı 1-sanlı mekteptiń 10-klass oqıwshısı A.Qaypova hám de III orındı 5-sanlı mekteptiń 8-klass oqıwshısı A.Qaypnazarovalar iyeledi.

Jeńimpazlar shólkemlestiriwshiler tárepinen diplom hám sawǵalar menen sıylıqlandı.

Shomanay rayonı hákimligi málimleme xızmeti

@shomanay_rayon