Ózbekstan QVZ assosaciyası tárepinen shólkemlestirilgen Quwnaqlar hám ziyrekler tańlawınıń usı jılǵı máwsiminde jámi 30 komanda saralap alınıp, keyingi basqıshqa yaǵnıy ¼ finalǵa jollama alǵan edi.

15-noyabrden 20-noyabr kúnleri aralıǵında Tashkent qalası Túrkistan sarayında bolıp ótken Quwnaqlar hám ziyrekler tańlawınıń 1/4 final basqıshında 6 topar dúzilip, 5 komandadan bólinip 6 oyın ótkerildi. Bunda Ózbekstan Respublikasındaǵı wálayatlar qala hám rayonlar komandaları qatnastı. Sonday-aq qońsılas Qazaqstan hám Qırǵızstan Respublikalarınan da komandalar qatnasıp, óz ónerlerin kórsetti.

Qaraqalpaqstan Respublikası Shomanay rayonınıń “SHOMANAY” komandası ózleriniń astarlı hám qızıqlı házilleri menen kózge túsip, eń joqarı ball 17 bal menen sıylı I orındı iyelep, yarım finalǵa jollamanı qolǵa kiritti.

Shomanay rayonı hákimligi málimleme xızmeti