Sınaw tárizinde xalıqtı dizimge alıw 2021-jıl 1-25 noyabr kúnleri tańlap alınǵan aymaqlarda ótkiziledi.

Sınaw tárizinde dizimge alıwdıń anıq waqtı 2021 jıl 1-noyabr saat 00:00 etip belgilendi.

2021-jıl 1-noyabr saat 00.00 den keyin júz bergen demografiyalıq halatlar nátiyjeleri dizimge alıw jurnalı formalarına kiritilmeydi.

Sınaw tárizinde xalıqtı dizimge alıw dástúri qarardıń joybarına kórsetilgen sorawlardan ibarat Sınaw tárizinde xalıqtı dizimge alıw tómendegi múddetlerde ótkeziledi:

1-5 noyabr kúnleri  internet tarmaǵı arqalı xalıqtı dizimge alıw (5 kún);

6-10 noyabr kúnleri internet tarmaǵı arqalı dizimnen ótken respondentler hám olardıń úy mánzilleri dizimin dúziw (5 kún);

11-22 noyabr kúnleri xalıqtı dizimge alıw jurnalı formaları tiykarında úyme-úy júrgen halda xalıqtı dizimge alıw (12 kún,puqaralıq-huquqıy túrdegi shártnamaǵa tiykar);

23-25 noyabr kúnleri-hár bir esap uchastkasındaǵı úy-jay mánzilleriniń 10 payızın tańlanba ráwishte qadaǵalaw gúzetiwi tiykarında úyreniw (3 kún).

Sınaw tárizinde xalıqtı dizimge alıwǵa tayarlıq kóriw hám onı ótkiziw menen baylanıslı qárejetlerdi muwapıqlastırıw Ózbekstan Respublikası Mámleket byudjeti qárejetleri hám nızam hújjetleri menen basqa qárejetler esabınan ámelge asırıladı.

Dizimge alıwdı ótkiziw baslanıwınan aldın jergilikli komissiyalar tárepinen sınaw ótkizilgen aymaqlardaǵı dizimge alıw uchastkası xızmeterleri, instruktorlar (supervayzerler) hám dizimge alıwshılar belgilengen tártipte arnawlı gúwalıǵı, sumka, dizimge alıw jurnalı formaları hám kancelyariya buyımları menen támiyinlenedi.Sınau tárizinde xalıqtı dizimge alıw baslanıwınan bir ay aldın jergilikli komissiyalarǵa jınayatshılıq kóp ushıraytuǵın aymaqlar hám tárbiyası awır shańaraqlar tuwǵrısıdaǵı maǵlıwmatlar tiyisli aymaqlıq ishki isler organları tárepinen usınıs etiledi.

Sınaw tárizinle xalıqtı dizimge alıwǵa tayarlıq kóriw hám onı ótkiziwge bánt etilgen shaxslar menen belgilengen tártipte shártnamalar dúziledi.

Ózbekstan Respublikası Mámleketlik qáwipsizlik xızmeti, Milliy gvardiya, Qorǵanıw ministrligi, Ishki isler ministrligi, Ayrıqsha jaǵdaylar basqarması, Sırtqı isler ministrligi, Sawlıqtı saqlaw  ministrligi, Xalıq tálimi ministrligi «Xalıqtı dizimge alıw tuwrısında»ǵı Ózbekstan Respublikası Nızamınıń 24-statyasında belgilengen xalıqtıń ayırım taypasına qarap dizimge alıw islerin shólkemlestiredi.

Eger respondent jasap turǵan jerinde dizimnen ótiwdi  qálemese, dizimge alıwshı oǵan instruktorlıq uchastkasına barıp dizimne ótiwdi usınıs etedi hám uchastka mánzilin beredi.

Sınaw tárizinde xalıqtı dizimge alıwdıń juwmaqları boyınsha tómendegi isler ámelge asırıladı:

dizimge alıw dástúri, dizimge alıw hújjetleri formaları, dizimge alıwdı ótkiziw usılları, dizimge alıwǵa tayarlıq kóriw hám onı ótkiziw boyınsha tiykarǵı is-ilajları hámde paydalanılǵan informacion texnologiyaları sınaw nátiyjeleri analiz qılınadı;

sınaw nátiyjelerine qaray 2022-jıl 1-iyunge deyin 2023-jılda xalıqtı dizimge alıw dástúri, metodik qollanbalar hám normativ hújjetlerge tiyisli ózgerisler kiritiliwi hámde maǵlıwmatlardı qayta islew usılları hám xalıqtı dizimge alıw juwmaqların shólkemlestiriw zárúriyatınan  usınıslar islep shıǵıladı.

Sınaw tárizinde xalıqtı dizimge alıwdı ótkiziw usı Nızamnıń tiyisli bántlerine tiykar ámelge asırıladı.

Shomanay rayonı statistika bólimi