Ózbekstan Respublikası Mámleketlik salıq komitetine qaraslı Kadastr agentligi xalıqtı dizimge alıw qatnasıwshılarına 2023-jılda tiykarǵı xalıqtı dizimge alıwǵa tayarlıq kóriw hám onı ótkeriw ushın zárúr kartografik materiallar menen támiyinleydi.

2023-jılda xalıqtı dizimge alıw ushın kartografik materiallar óz ishine tómendegilerdi aladı:

Qaraqalpaqstan Respublikası, wálayatlar hám Tashkent qalasınıń jergilikli kartaları;

rayon hám qalalar jergilikli kartaları;

qalalar, qalashalar, awıl elatlı punktleri hám máhallelerdiń sxematik rejeleri.

Xalıqtı dizimge alıwdı ótkeriwdiń shólkemleskenlik rejesi aymaqlıq komissiyalar tárepinen rayonlar, Qaraqalpaqstan Respublikası, wálayatlar hám Tashkent qalası boyınsha ayrıqsha dúziledi.

Dizimge alıw uchastkalarınıń chegaraları hár bir dizimge alıw uchastkasına tuwrı keletuǵın júklemeni awıllıq jerlerde ortasha 8750 adam hám qalalarda ortasha 11250 adam esapqa alǵan halda hákimshilik-aymaqlıq bóliniw  saqlaw shárti menen belgilenedi.

Dizimge alıw uchastkaları hár bir instruktorǵa tuwrı keletuǵın júklemeni awıllıq jerlerde ortasha 1750 adam hám qalalarda ortasha 2250 adam hám elatlı punktindegi xalıq tıǵızlıǵın esapq alǵan halda instruktorlıq uchastkalarına bólinedi.

Instruktorlıq uchastkaları hár bir dizimge alıwshıǵa tuwrı keletuǵın júklemeden awıllıq jerlerde ortasha 350 adam hám qalalarda ortasha 450 adam kelip shıǵıp esap uchastkalarına bólinedi.

Aymaqlıq komissiyalar hám respublika komissiyası qararına tiykar barıw qıyın bolǵan hám alıs aymaqlarda esap uchastkasında xalıqtıń sanı ortasha 250 den ibarat bolıwı dáwir sıpatında alınadı.

Ayrım hallarda uchastkalardı dúziwde dizimge alıwshıǵa tuwrı keletuǵın ortasha júkleme belgilengen normalardan kem yaki kóp bolıwı múmkin.

Esap uchastkası, instruktorlıq hám dizimge alıw uchastkaları sanınan kelip shıǵıp dizimge alıw dáwirinde waqtınsha bánt etiletuǵın qániygeler sanı anıqlanadı.

Shólkemlestiriw rejeni dúziwde kózde tutılmaǵan halatlardı (nawqaslıq, baxıtsız hádiyseler, júkletilgen wazıypalardı tolıq orınlamaw hám basqalar) esapqa alǵan halda esap uchastkası, instruktorlıq hám dizimge alıw uchastkalarına waqtınsha bánt  etiletuǵın qániygeler ulıwma sanınıń 10 (on) payızı muǵdarında is haqı tólenbegen halda kadrlar qosımsha shólkemlestiriledi.

 Shomanay rayonı Statistika bólimi