Búgin Shomanay rayonı 13-sanlı balalar muzıka hám kórkem óner mektebinde «Úlgili úgit-násiyatshı» tańlawınıń Shomanay rayonlıq basqıshı bolıp ótti.

Bunda Xalıq bilimlendiriw bólimine qaraslı ulıwma orta bilim beriw mektepleriniń úgit-násiyatshıları 3 shárt boyınsha bellesti.

Jarısqa Qaraqalpaqstan Respublikası jazıwshılar awqamınıń juwaplı xatkeri B.Ernazarov, Respublika ruwxıylıq hám aǵartıwshılıq orayı Qaraqalpaqstan bólimi bólim baslıǵı P.Jumamuratov, Ózbekstan hám Qaraqalpaqstan Respublikası jazıwshılar awqamınıń aǵzası A.Qaypovlar mıyman bolıp, jarıs qatnasıwshılarına áwmetler tiledi.

Jarıs juwmaǵına kóre I orındı 2-sanlı mektep úgit-násiyatshısı M.Muradova, II orındı 20-sanlı mektep úgit-násiyatshısı G.Nawrızbaeva, III orındı 8-sanlı mektep úgit-násiyatshısı A.Allaniyazovlar iyeledi.

Jeńimpazlar shólkemlestiriwshiler tárepinen Diplom hám bahalı sawǵalar menen sıylıqlandı.

Shomanay rayonı hákimligi málimleme xızmeti