Ózbekstan Respublikası Prezidentiniń 2020-2023-jıllarda «Qaraqalpaqstan Respublikasın kompleks social-ekonomikalıq rawajlandırıw is-ilajları haqqında»ǵı PQ-4889-sanlı qararına tiykar Shomanay rayonında qaramalshılıqtı rawajlandırıw boyınsha bir qansha jumıslar ámelge asırılmaqta.

Qaramalshılıqtı rawajlandırıw boyınsha Shomanay rayonı Qarabaylı mákan puqaralar jıyını aymaǵında «Begjaplı Beksultan-sharwa» fermer xojalıǵında jańa joybar iske qosılǵan bolıp, bul joybardı ámelge asırıw maqsetinde rayon hákimligi tárepinen qurılıs jumısları ushın 1 ga, ot-shóp egip jetistiriw ushın 49 ga jer maydanları ajıratıldı.

Sonday-aq AKB Xalqbank tárepinen 1 mlrd 750 mln swm kredit qarjıları ajıratılıp, usı jılı Germaniya mámleketinen Golldshtein freez násilli 63 bas qaramal alıp kelindi hám 5 jumıs orını jaratıldı.

Keleshekte sútti qayta islew joybarın islep xalıqqa sapalı sút ónimlerin jetkerip beriwdi rejelestirmektemiz deydi fermer xojalıǵı baslıǵı Dastanbek Bekpolatov.

Shomanay rayonı hákimligi málimleme xızmeti

@shomanay_rayon