Bıyılǵı jılı «Kekseler ushın turizm aylıǵın» joqarı shólkemleskenlik penen ótkeriw maqsetinde Ózbekstan Respublikası Máhalle hám shańaraqtı qollap-quwatlaw Ministrliginiń 2021-jıl 29-oktyabr sánesinde B-92 sanlı buyrıǵı qabıl etilip  «Kekseler ushın turizm aylıǵın» ótkeriwge tayarlıq kóriw hám onı ótkeriw boyınsha isshi topar quramı tastıyıqlandı.

Rayonımızda «Kekseler ushın turizm aylıǵın» shólkemleskenlik penen ótkeriw ushın rayonlıq Máhalle hám shańaraqtı qollap-quwatlaw bólimi, awıl hám mákan puqaralar jıyınları, tiyisli mákeme hám shólkemler menen birlikte tiyisli is-ilajlar belgilendi.

Bul ilájlarda kekselerdi sociallıq qorǵaw, olar menen mádeniy aǵartıwshılıq ilajlar ótkeriw sonday-aq, kekse jastaǵı puqaralardı elimizdegi tarıyxıy, ziyarat orınlarına sayaxatlar shólkemlestiriw názerde tutılǵan.

«Kekseler ushın turizm aylıǵı» sheńberinde elimizdegi tarıyxıy orınlarǵa hám ziyarat jaylarına sayaxatqa barıwshı kekse jastaǵı puqaralar ózleri jasap turǵan puqaralar jıyınlarına xabarlasıwına bolatuǵınlıǵın hám málim muǵdarda sayaxatqa barıwshılar jıynalǵannan soń sayaxat shólkemlestiriletugınlıǵın málim etemiz.

Shomanay rayonı Máhálle hám shańaraqtı qollap-quwatlaw bólimi.