Isbilermenlik ortalıǵın túpten jaqsılaw, isbilermenlik jumısların ámelge asırıw ushın eń qolay shárayatlardı jaratıw, kárxanalardıń jumısları menen baylanıslı bolǵan tártiplerdiń barlıq túrlerin qısqarttırıw, ápiwayılastırıw hám ashıqlıq dárejesin asırıw, biznesti júritiw sharayatların bahalaw kriteriyalarınıń dúnya ámeliyatında bárshe tárepinen qabıllanǵan sistemasın ámelge engiziw hám usı tiykarında mámleketimiz isbilermenlik hám investiciya ortalıǵı dárejesiniń xalıqaralıq reytingin jáne de asırıw maqsetinde, isbilermenlerdiń huqıqların qorǵawdı kúsheytiriw, byurokratiyalıq tosqınlıqlardı kemeytip barıw, dizimge alıw hám ruxsat beriw tártiplerin qısqarttırıw hám de ápiwayılastırıw, salıq hám bajıxana jumısların júritiw tártiplerin, esap-kitap hám esabat sistemasın jetilistiriwge qaratılǵan nızam hújjetlerin jetilistiriw esabınan mámlekette isbilermenlik ortalıǵın túpten jaqsılaw, isbilermenlik jumısların tez pátler menen rawajlandırıw ushın jáne de qolay sharayatlardı jaratıw, jeke menshik múlikshiliktiń ekonomikanı rawajlandırıwdaǵı úlesin asırıw;

biznesti júritiw sharayatların bahalawdıń dúnya ámeliyatında ulıwma qabıl etilgen xalıqaralıq kriteriyaların keń ámelge engiziw hám de jetekshi xalıqaralıq finanslıq-ekonomikalıq hám reyting shólkemleriniń joqarı kórsetkishlerine erisiw;

ishki bazarda básekini jáne de tereńlestiriw, múlikshilik hám de jumısların shólkemlestiriw formaların itibarǵa almastan bárshe isbilermenlik subektleri ushın biznesti júritiwde teńdey sharayatlar jaratıw, bazar principleri tiykarında materiallıq-shiyki zat hám kredit resurslarınan paydalanıwǵa, mámleketlik satıp alıwlarda hám de ónimlerdi satıw hám kesip alıp islew jumısların ámelge asırıw barısındaǵı tańlaw sawdalarında qatnasıwǵa keń imkaniyatlar jaratıp beriw;

statistikalıq, finanslıq hám salıq esabatların tapsırıwda, salıqlar hám májbúriy tólemlerdi tólewde, dizimge alıw hám ruxsat beriw tártiplerin ámelge asırıwda, jer maydanların ajıratıw hám injenerlik-kommunikaciya tarmaqlarına qosılıwda, sonday-aq isbilermenlik subektlerin kreditlewde mámleket, qadaǵalawshı organlar menen isbilermenlik subektleri ortasındaǵı qatnasıqlardı, byurokratiyalıq sozılıwlardı hám korrupciyanıń bolmaslıǵın názerde tutıwshı elektron sitemaǵa, sonıń ishinde internet tarmaǵına keń masshtabda ótiwdi támiyinlew boyınsha is-ilajlar ámelge asırıldı.

Shomanay rayonı statistika bólimi