Usı Nızam Ózbekstan Respublikasında 2023-jılda xalıqtı dizimge alıwǵa tayarlıq kóriw, ótkiziw, nátiyjelerin analiz qılıw hám daǵaza qılıw tártibin belgileydi.

Dizimge alıw 2023-jıl 1-25 noyabr kúnleri ótkiziledi hám dizimge alıw baslanıwınıń anıq waqtı 2023-jıl 1-noyabr saat 00:00 etip belgilendi. Dizimge alıwdı ótkiziw dawamlılıǵı 25 kún.

Respondentlerdiń shaxsqa tiyisli maǵlıwmatların jıynawda dizimge alıw sánesinen keyin bolǵan demografiyalıq halatlar esapqa alınbaydı. 2023-jıl 1-noyabrden keyin tuwılǵan balalar ushın dizimge alıw jurnalı formaları hám basqa dizimge alıw hújjetleri toltırılmaydi, biraq usı sáneden keyin qaytıs bolǵan shaxslar ushın toltırıladı. Bunda qaytıs bolǵan shaxs haqqındaǵı maǵlıwmatlar onıń balası yáki qızı, shańaraq aǵzalarınıń, máhallesindegi bar bolgan maǵlıwmatlar tiykarında toltırıladı.

Shaxsqa tiyisli maǵlıwmatlardı jıynaw:

respondentler jasaytuǵın (waqtınsha jasap turgan) turaq jay hám naturaq jaylarǵa, binalarǵa barǵan halda úyme-úy júrip sorawnama ótkiziw arqalı ámelge asırıladı. Dizimge alıw jurnalı formaları dizimge alıwshı xızmetkerler tárepinen respondentlerdiń sózleri tiykarında toltırıladı;

xalıqtı dizimge alıw ótkiziw dáwirinde jasap (turǵan) jayında házir bolmagan yaki jas óspirimler haqqındaǵı maǵlıwmattı sol úy xojalıǵınıń shańaraq aǵzaları tárepinen usınıladı.

Jasap turǵan mánzilinde dizimge alıwdı narazı respondentler ushın dizimge alıw sorawnamaların toltırıw rayon (qala) hákimlikler tárepinen ajıratılǵan imárat yáki xanalarda jaylasqan stacionar uchastkalarda  ámelge asırıladı;

respondent dizimge alıw jurnalındaǵı sorawlarǵa juwap beriwden bas tartsa, dizimge alıw jurnalı puqaralardıń ózin-ózi basqarıw organlarındaǵı yáki jergilikli mámlekeetlik hákimiyatı organlarındaǵı bar bolǵan maǵlıwmatlar tiykarında toltırıladı;

sóylewi hám esitiwde nuqsanı bolǵan puqaralarǵa tiyisli bolǵan maǵlıwmatlardı jıynaw tiyisli aymaq boyınsha nágiranlıq jámiyatleriniń xızmetkerleri yáki  usı puqaralar menen qarım qatnasta bola alatuǵın shaxslar kómeginde ámelge asırıladı.

Shaxsqa tiyisli maǵlıumatlardı jıynaw málimleme qáwipsizligin támiynlew talapların esapqa alǵan halda málimleme-kommunikaciya texnologiyalarınan paydalanıw arqalı ámelge asırıladı.

«Xalıqtı dizimge alıw haqqında»ǵı Ózbekstan Respublikası Nızamına muwapıq Ózbekistan Respublikası puqaraları, waqtınsha jasawshı yáki bolmasa waqtınsha Ózbekstan Respublikasında jasap turǵan shet el puqaraları hám puqaralıǵı bolmaǵan shaxslar, sonday-aq, Ózbekstan Respublikasında jasawshı, lekin xalıqtı dizimge alıw dáwirinde waqtınsha shet el aymaǵında bolǵan Ózbekstan Respublikası puqaraları respondent sıpatında dizimge alınadı.

Respondentler óziniń jasaw mánzili boyınsha dizimge alınadı. Kúnlik túngi dem alıwdıń kóbirek bólegin ótkizetuǵın úy, kvartira, jasaw ushın paydalanıp atırǵan basqa turaq jay yáki naturaq jay bina jasaw ornı esaplanadı.

Bul jay respondent dizimnen ótken  mánzil menen birdey keliwi yáki birdey bolmawıda múmkin.

Xalıqtı dizimge alıw jurnalı formaları 2023-jılda Ózbekstan Respublikasında xalıqtı dizimge alıw dástúrine kiritilgen sawallardan ibarat boladı.

Shomanay rayonı statistika bólimi