Oktyabr  ayı “Ana tili” pán aylıģı sheńberinde Shomanay rayonlıq XBBne qaraslı 11-sanlı mektebinde “Ana tilim-maqtanıshım” hám “Tıńlaģan hayyiwim qaraqalpaqsha” temasında Qaraqalpaq tili páni muģallimi S.Begjanova hám de dóretiwshilik mádeniy máseleleri boyınsha ùgit-násiyatshı T.Mambetnazarova menen birgelikte jarıs shólkemlestirildi.

Bunda mektebimizdiń director orınbasarı U.Abdimuratov, mektep kitapxanashısı U.Rametova, Ózbek tili pán muģallimi Q.Orazbaeva, Shet-til pán muģallimi R.Jumamuratova, baslanģısh shólkem jetekshisi R.Sultamuratovalar qatnastı.

Qatnasıwshı oqıwshılar 4-shárt boyınsha óz-ara bellesti. Oqıwshılar ana-tilimizdiń áhmiyetin onı taza hám tuwrı sóylew kerekligin, qádir-qımbatı haqqında saxnalıq kórinisler, naqıl-maqallar, ózleriniń dóretpelerinen qosıqlar oqıp berdi. Jarıs sońında jeńimpaz komandalar diplom menen sıylıqlandı.

XXBne qaraslı 11-sanlı mektep dôretiwshilik máseleleri boyınsha úgit-násiyatshısı T.Mambetnazarova