Ózbekstan Respublikası Prezidentiniń 5278-sanlı «Xalıqqa mámleketlik xızmetler kórsetiwdiń milliy sistemasın tup tiykarınan reformalaw haqqındaǵı is-ilajları» haqqındaǵı pámanına tiykar isbilermenlik subektlerine mámleketlik xızmetlerdi kórsetip kelgen «bir ayna» orayları isbilermenlik subektleri, yuridikalıq hám fizikalıq shaxslarǵa mámleketlik xızmetlerdi kórsetiwshi «Mámleketlik xızmetler orayı» na aylantırılǵan edi. Prezidentimiz Shavkat Mirzyoyev tárepinen alǵa surilgen «Xalqımız mámleketlik xızmetler uyımlarǵa emes, mámleketlik uyımlar xalqımızǵa xızmet etiwi kerek» puqaralar mákeme ham shólkemler arasında qatnap jurmesligi ushın «Puqaralar emes hújjetler hárketlenedi» degen pikirdi aytqan edi. Joqarıda alǵa surilgen maqset hám wáziypalardı, isenimdi Mámleketlik xızmetler agentligi hám onıń qol qanatı bolǵan mámleketlik xızmetler orayları qay darejede aqlay aldı degen soraw tuwılıwı orınlı. Shomanay rayonı mámleketlik xızmetler orayı tárepinen ámelge asırılǵan jumıslar haqqında aytıp ótetin bolsaq, 2021-jıl 9 ayı dawamında kórsetilgen xızmet sanı 23 mıńnan zıyat bolıp, bul óz gezeginde oraylar arqalı kórsetilip atırǵan xızmetlerge xalqımızdıń talabı kushli ekenliginen derek bermekte. Bugingi kunde oray tárepinen 160 tan aslam mámleketlik xızmetler kórsetilmekte. Oraylarǵa berilgen damas avtomobilleri menen alıs aymaqlarǵa shıqqan halda xalqımızǵa qolaylılıq jaratıw maqsetinde kóshpeli túrde mámleketlik xızmetler kórsetilmekte. Atap aytqanda 2021-jıl 9 ay dawamında 2 800 den zıyat xızmetler kórsetildi. Bunnan tısqarı aprel ayınan baslap oray iskerligi rayon orayınan barlıq qolaylıqlarǵa iye zamanagóy jańa imaratta jumıs basladı, sol qatarı «Qarabaylı» MPJ aymaǵında sol aymaqtaǵı jasawshı turǵınlardıń qımbatlı waqtın tejew hám olarǵa qolaylıq jaratıw maqsetinde Mámleketlik xızmetler orayınıń filiyalı shólkemlestirildi.

Jańadan shólkemlestirilgen filiyal ashılǵanına kóp bolıwına qaramastan 700 den zıyat xızmet kórsetiliwi bul sol aymaqtaǵı xalıqtıń talabı joqarı ekenligin bildirmekte. Jáne de oraydaǵı barlıq xızmetlerden orayǵa kelip yaki uyden shıqpastan birden bir interaktiv xızmetler portalı arqalı mámleketlik xızmetlerden paydalanıwǵa, óziniń jasaw yaki turaqlı jasaw mánzilinen qattiy názer qálegen ózine jaqın bolǵan mámleketlik xızmet orayına barıp xızmetlerden paydalanıw mumkin. Joqarıda keltirilgenler tek ǵan sanlı kórsetkishler emes bálkim puqaralardıń kundelikli ham jıllar dawamında qıynap kelgen mashqalaları ham másleleriniń jámlenmesi desekte qátelespegen bolamız. Mámleketlik xızmetler orayı hár dayım hár jerde xalqımızǵa xızmet kórsetiwge tayın ekenligin ham buǵan bekkem bel baylaǵanlıǵın xalqımızǵa bárelle aytqımız keledi.

Shomanay rayonı Mámleketlik xızmetler orayı direktorı Galiakberov Axat Nurxatovich.