Múrájat ushın isenim telefonı

background

Siz kútpegen urlıq…

Siz kútpegen urlıq…

Dúnya júzlik jurnalistler, huqıqtı qorǵaw uyımları xızmetkerleri hár jıldıń aqırında jınayatshılıqtıń jıllıq statistikasın shıǵaradı, yaǵnıy, qaysı jınayat kóbeydi yamasa azaydı, jınayattı islegenler neshe jas aralıǵında, qaysı aymaqta kóbeygeni yamasa azayǵanı hám álbette jınayattı islegen shaxstıń jınısı haqqında maǵlıwmat beriledi.

Biz sóz etejaq bolǵan jınayattı tilekke qarsı hayal adam islegen, yaǵnıy, waqıyamız qaharmanı hayal adamnıń qolınan keletuǵın úy jumısları, tiginshilik, aspazlıq hám basqa da pul tabıwǵa bolatuǵın kásip penen shuǵıllanbastan mal urlıǵı jınayatına qol urǵan.

Sudlanıwshı Sh.N (hayal adam) 2019-jıl oktyabr ayında densawlıǵı bolmay awırıp dári-dármaqlarǵa qarız bolıp qalıp, bul qarızların waqtında qaytara almaǵan soń urlıq islep qutılıwdı oylaydı, aldınları anasınıń úyine qıdırıp barǵanında, qońsısı N. atlı hayaldıń qorasında mal bar ekenin kórip júredi, sol maldı urlaw maqsetinde 2019-jıl 3-dekabr kúni mal sawdası menen shuǵıllanatuǵın qońsısı B.ǵa telefon etip, «anamnıń satatuǵın malı bar, kelip kór» dep aytadı, B. kelisim  beredi, keyin ózi anasınıń úyine barıp anası menen sóylesip otıradı hám anasına úyge qayttım dep shıǵıp ketedi, soń jáne B.ǵa telefon etip keleber deydi hám onı kútip turadı, B.“Neksiya” mashinasında qasında biytanıs bir bala menen keledi, olardı qońsısı N. apanıń qorasına alıp barıp qamawlı turǵan qızıl baspaqtı kórsetedi, soń ekewi sawdalasıp, 1.300.000 swmǵa kelisedi hám qoraǵa kirip, qoradan baspaqtı alıp shıǵadı hám baspaqtı mashinanıń tirkemesine tiyep saladı hám 1.300.000 swm puldı berip ketedi.

Sh.N. ańsatlıq penen qolǵa kirgizgen bul pullardı qarızlarına tólep taslaydı, bunnan soń 2019-jıl 8-dekabr kúni baspaqtıń iyesi bolǵan N. mal bazarına barıp óz baspaǵın tanıydı hám ishki isler uyımlarına xabar beredi.

Dáslepki tergew dáwirinde jábirleniwshiniń baspaǵı, B.ǵa bolsa 1.300.000 swm pulları qaytarıp beriledi, biraq bir úydiń biykesi bolıp otıratuǵın waqıyamız qaharmanınıń bunday iske qol urıwı ókinishli jaǵday. Sociallıq jaqtan qıynalǵan, den-sawlıǵı tómen, qarızı bar adamlardıń nızamnan shetke shıqqan halda pul tabıwlarına hesh jerde jol qoyılmaydı, nızam hámmege birdey.

Sh.N. nızamda kórsetilgen tártipte tiyisli jazasın aldı hám endigi ómirinde ózine kerekli juwmaq shıǵaradı degen úmittemiz.

 Jınayat isleri boyınsha Qońırat rayonı sudı keńse mengeriwshisi G.Doshmuratova

Skip to content